ଟ୍ୟାଙ୍କର ଧକ୍କାରେ ପୁଅ ମୃତ ବର୍ତିଲେ ମାଆ

ଢେଙ୍କାନାଳ(ଏନଟିପି):

ବାଇକ ଉପରେ ଚଢ଼ିଗଲା ଟ୍ୟାଙ୍କର ପୁଅ ମୃତ ,ମାଆ ଗୁରୁତର।ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ବିଆରଜି ଛକ ନିକଟରେ ସଡକ ଦୁର୍ଘଟଣାରେ ଜଣେ ମୋଟରସାଇକେଲ ଚାଳକଙ୍କ ମୃତ୍ୟୁ ହୋଇଥିବା ବେଳେ ଅଳ୍ପକେ ତାଙ୍କ ମା ବର୍ତ୍ତୀ ଯାଇଛନ୍ତି । ମୃତକ ଜଣଙ୍କ ଅନୁଗୋଳ ଜିଲ୍ଲା ଶିକ୍ଷକପଡାର ଆଶିଷ ନନ୍ଦ ।ଆଶିଷ ଅନୁଗୋଳରୁ ଢେଙ୍କାନାଳର ଧଳପୁରରୁ ଏକ ବାହାଘର ପାଇଁମୋଟରସାଇକେଲରେ ଯାଉଥିଲେ । ଜାତୀୟ ରାଜପଥ ୫୫ ର ବିଆରଜି ଛକ ନିକଟରେ ତାଙ୍କୁ ଏକ ଟ୍ୟାଙ୍କର ଧକ୍କା ଦେଇଥିଲା । ଟ୍ରକ୍ ଟି ତାଙ୍କ ମୁଣ୍ଡରେ ଚଢିଯିବାରୁ ତାଙ୍କର ଘଟଣାସ୍ଥଳରେ ଆଶିଷଙ୍କର ମୃତ୍ୟୁ ହୋଇଥିଲା ।ଦୁର୍ଘଟଣା ପରେ ଟ୍ୟାଙ୍କର ଚାଳକ ସେଠାରୁ ଫେରାର ହୋଇ ଯାଇଥିବା ଜଣା ପଡିଛି । ଦୁର୍ଘଟଣାକୁ ନେଇଘଟଣାସ୍ଥଳରେ ଚାପା ଉତ୍ତେଜନା ଦେଖା ଯାଇଥିଲା । ମୋଟଙ୍ଗା ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବାପରେ ପରିସ୍ଥିତି ନିୟନ୍ତ୍ରଣ ହୋଇଥିଲା ।ମୃତକଙ୍କ ପରିବାରକୁ କେବଳ ରେଡ଼କ୍ରସ ତରଫରୁ ୧୦୦୦୦ ଟଙ୍କାର ସହାୟତା ଦିଆଯାଇଥିଲା।

Share on Facebook

Tweet

Follow us

Save