କୋରୋନାରେ ମୃତ୍ୟୁ ବୋଲି ମିଛ ପ୍ରଚାର କରି ବନ୍ଧା ହେଲେ ଯୁବକ

ତାଳଚେର(ଏନ ଟି ପି):

କରୋନାଜୁ ନେଇ ଏବେ ସବୁଠି ଚର୍ଚା।ଏହି ମହାମାରୀ ପାଇଁ ସମସ୍ତେ ଆଲର୍ଟ।କିନ୍ତୁ କରୋନାକୁ ନେଇ କିଛି ଗୁଜବ କରିଚାଲିଛନ୍ତି।ମହଙ୍ଗା ପଡ଼ିଲା ସୋସିଆଲ ମିଡିଆରେ କରୋନା ଗୁଜବ । ମିଛ ଖବର ଭାଇରାଲ କରିବା ଅଭିଯୋଗରେ ବନ୍ଧା ହେଲେ ତାଲଚେରର ଜଣେ ଯୁବକ । ସୂଚନା ଅନୁସାରେ ତାଳଚେର ବଡ ସିଙ୍ଗଡା ଗ୍ରାମର ଜୟ କ୍ରିଷ୍ଣ ସାହୁ ( ରିଙ୍କୁ) ନାମକ ଜଣେ ଯୁବକ ତାଙ୍କ ଫେସବୁକ ଆକାଉଣ୍ଟରେ ଅନୁଗୋଳ ଜିଲ୍ଲାର ନୂଆଁହତା ଗାଁ ଜଣେ ଯୁବକ କୋରୋନା ଭାଇରସରେ ଆକ୍ରାନ୍ତ ହୋଇ ତାଙ୍କର  ମୃତ୍ୟୁ ହୋଇଥିବା ଲେଖିଥିଲେ ।ଏହାକୁ ନେଇ ଉତ୍ତର – କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ ତାଙ୍କୁ ସଠିକ ତଥ୍ୟ ଦେବାକୁ କହିଥିଲେ । ହେଲେ ଜୟ କ୍ରିଷ୍ଣ ସାହୁ ( ରିଙ୍କୁ) ଏ ନେଇ କୌଣସି ସଠିକ ତଥ୍ୟ ଦେଇ ପାରି ନଥିବା ବେଳେ ପୋଲିସ ତଦନ୍ତ କରି ଘଟଣାର କୌଣସି ସତ୍ୟତା ନଥିବା ଜାଣିବାକୁ ପାଇ ଥିଲା । ଏହା ପରେ କୋରୋନାକୁ ନେଇ ମିଛ ଗୁଜବ ପ୍ରଚାର କରୁଥିବା ଅଭିଯୋଗରେ କୋଲିୟାରୀ ପୋଲିସ ଜୟ କ୍ରିଷ୍ଣ ସାହୁକୁ ତାଙ୍କ ଘରୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।

Share on Facebook

Tweet

Follow us

Save