ରଙ୍ଗେଇଲୁଣ୍ଡା ରେ ବସ ରେ ଲାଗିଲା ନିଆଁ,୧୧ ମୃତ ୩୦ରୁ ଅଧିକ ଆହତ;ତଦନ୍ତ ନିର୍ଦେଶ ଦେଲେ ପରିବହନ ମନ୍ତ୍ରୀ

ବ୍ରହ୍ମପୁର(ଏନ ଟି ପି):

ବ୍ରହ୍ମପୁର ରେ ଅଭାବନୀୟ ଘଟଣା।ବ୍ରହ୍ମପୁର ର ରଙ୍ଗେଇଲୁଣ୍ଡା ବ୍ଲକ ମେଣ୍ଢା ରାଜପୁର ରେ ଘଟିଛି ଦୁର୍ଘଟଣା। ୧୧ କେ. ଭି. ବିଦ୍ୟୁତ ତାର ସଂସ୍ପର୍ଶରେ ଆସି ବସରେ ୧୧ ଜଣଙ୍କର ମୃତ୍ୟୁ ଆଶଙ୍କା ହୋଇଛି । ଏହି ସୂଚନା ଦେଇଛନ୍ତି ଚିଫ୍‌ ଫାୟାର ଅଫିସର ସୁକାନ୍ତ ସେଠୀ । ୩୦ରୁ ଅଧିକ ଆହତ ହୋଇଛନ୍ତି । ସେମାନଙ୍କ ଭିତରୁ ଅଧିକାଂଶ ଲୋକଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି । ଆହତଙ୍କୁ ବ୍ରହ୍ମପୁର ବଡ଼ମେଡିକାଲରେ ଭର୍ତ୍ତି କରାଯାଇଛି । ରଙ୍ଗେଇଲୁଣ୍ଡା ମେଣ୍ଡରାଜପୁର ନିକଟରେ ଏହି ଅଘଟଣ ଘଟିଛି । ବିବାହ ପାଇଁ ନିର୍ବନ୍ଧରେ ଯୋଗ ଦେବାକୁ ଗଲାବେଳେ ବିଦ୍ୟୁତ ତାର ସଂସ୍ପର୍ଶରେ ଆସିଥିଲା ବସ୍‌ । ଅଘଟଣ ପରେ ଘଟଣାସ୍ଥଳରେ ପୋଲିସ୍‌ ଓ ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ସେହିପରି ଉଦ୍ଧାର କାର୍ଯ୍ୟରେ ଲାଗିଛନ୍ତି ସ୍ଥାନୀୟ ଲୋକ ।ଘଟଣାର ତଦନ୍ତ ନିର୍ଦେଶ ଦେଇଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା।୧୧ କେଭି ବିଦ୍ୟୁତ ତାର କିଭଳି ଭାବେ ଏତେ ତଳେ ଗଲା ସେ ଉପରେ ମଧ୍ୟ ତଦନ୍ତ ହେବ।

Share on Facebook

Tweet

Follow us

Save