ଅନୁଗୋଳ ମା ବାସନ୍ତୀ ଦୁର୍ଗା ଭଲିବଲ ହୋମ ପକ୍ଷରୁ ଏକ ଦିବସୀୟ ଦିବାରାତ୍ର ଟୁର୍ଣ୍ଣାମେଣ୍ଟ ଅନୁଷ୍ଠିତ

ଅନୁଗୋଳ(ଏନଟିପି):

ଅନୁଗୋଳ ମା ବାସନ୍ତୀ ଦୁର୍ଗା ଭଲିବଲ ହୋମ ପକ୍ଷରୁ ଏକ ଦିବସୀୟ ଦିବାରାତ୍ର ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇ ଯାଇଛି । ଏହି ଟୁର୍ଣ୍ଣାମେଣ୍ଟରେ ମା ବାସନ୍ତୀ ଭଲିବଲ ହୋମ , ଗୋବରା , ପୋଡାପଡା , ମାଛକୁଟା , ସମ୍ବଲପୁର ରେଲୱେ , ବଳରାମପ୍ରସାଦ , ଡୋନା ଅନୁଗୋଳ ଓ ଟାକୁଆ ଭଳି ୮ ଟି ଦଳ ଭାଗ ନେଇଥିଲେ । ଆଜିର ଏହି ଟୁର୍ଣ୍ଣାମେଣ୍ଟରେ ଜିଲ୍ଲା କ୍ରୀଡା ଅଧିକାରୀ ରବି ନାରାୟଣ ସେଠ ମୁଖ୍ୟ ଅତିଥି ଭାବେ ଯୋଗ ଦେଇ ଟୁର୍ଣ୍ଣାମେଣ୍ଟକୁ ଉଦ୍ଘାଟନ କରିଥିଲେ । ଅନ୍ୟ ମାନଙ୍କ ମଧ୍ୟରେ ବରିଷ୍ଠ ଆଇନଜୀବୀ ବସନ୍ତ ଦାସ , ବିଶିଷ୍ଟ ଶିଳ୍ପପତି ସୁନୀଲ ପଟନାୟକ , ପ୍ରଦୀପ ଦେବତା , ରାଜୁ ସିହ୍ନା , ଯତୀନ ସେଠି ଆଦି ସମ୍ମାନିତ ଅତିଥି ଭାବେ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ନକଆଉଟ ପର୍ଯ୍ୟାୟରେ ହୋଇଥିବା ଏହି ଖେଳରେ ଗୋବରା ଦଳ ଡୋନା ଅନୁଗୋଳ କୁ ହରାଇ ଓ ସମ୍ବଲପୁର ରେଲୱେ ଦଳ ପୋଡ଼ାପଡାକୁ ହରାଇ ଫାଇନାଲରେ ପହଞ୍ଚି ଥିଲେ । ଫାଇନାଲ ମ୍ୟାଚରେ ସମ୍ବଲପୁର ରେଲୱେ ଦଳ ଗୋବରା ଦଳକୁ ୨୫/୧୯ , ୨୬/୨୪ , ୨୨/୨୫ , ୨୫/୧୬ ରେ ହରାଇ ଚମ୍ପିୟାନ ଆଖ୍ୟା ଅର୍ଜନ କରିଥିଲା । ଉଦଜାପନୀ ଉତ୍ସବରେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରତାପ ପ୍ରଧାନ ମୁଖ୍ୟ ଅତିଥିଭାବେ ଯୋଗ ଦେଇ ଚମ୍ପିୟାନ ଓ ରନର୍ସ ଅଫ ଦଳ ସହ ଅନ୍ୟ ଖେଳାଳି ମାନଙ୍କୁ ପୁରସ୍କୃତ କରିଥିଲେ ।

ଆଜିର ଏହି ଟୁର୍ଣ୍ଣାମେଣ୍ଟରେ ସମ୍ବଲପୁର ରେଲୱେର ଶୁଭମ ଙ୍କୁ ପ୍ଲେୟର ଅଫ ଦି ଟୁର୍ଣ୍ଣାମେଣ୍ଟ , ଗୋବରା ର ବଳିଆ ବେଷ୍ଟ ଆଟାକର , ସମ୍ବଲପୁର ରେଲୱେର ଶ୍ରୀୟାଜ ଅଲ୍ଲି ବେଷ୍ଟ ଲିଫ୍ଟର , ଗୋବରାର ବୁଦୁରାମ ସିଙ୍କୁ ଙ୍କୁ ବେଷ୍ଟ ଲିବେରୋ ଭାବେ ପୁରସ୍କୃତ କରା ଯାଇଥିଲା । ଆଜିର ଏହି ଟୁର୍ଣ୍ଣାମେଣ୍ଟକୁ ସମ୍ବିତ ସାମଲ , ବିଜୟ ବାଗ , ତପନେସ୍ୱର ପ୍ରଧାନ , ଚିନ୍ମୟ ଦାସ ପରିଚାଳନା କରିଥିଲେ । ମା ବାସନ୍ତୀ ଭଲିବଲ ହୋମ ପକ୍ଷରୁ ନୌସଦ ଅଲ୍ଲି , ଅଶୋକ ରାଉତ , ପ୍ରତାପ ମାଝୀ , ଜିତୁ , ବିଜି , ପବିତ୍ର ମହାପାତ୍ର , ଅନୁପ ମହାନ୍ତି , ତାପସ ରାୟ ମନୋଜ ପ୍ରଧାନ , ସୁଜିତ ବେହରା ଆଦି ସହଯୋଗ କରିଥିଲେ ।

Share on Facebook

Tweet

Follow us

Save