କଲେଜ ଛାତ୍ରୀଙ୍କ ମଦ ପିଇବା ଭିଡ଼ିଓ ଭାଇରାଲ

ଅନୁଗୋଳ (ଏନଟିପି)

କଲେଜ ଛାତ୍ରୀ ଖୁଲମ ଖୁଲା ପିଇଲେ ମଦ।ଆମେ କହୁନୁ ଏ ଚିତ୍ର ହିଁ ବୟାନ କରୁଛି।ଅନୁଗୋଳ ଜିଲ୍ଲା ତାଳଚେର ମହିଳା ମହାବିଦ୍ୟାଳୟର ଛାତ୍ରୀଙ୍କ ମଦ ପିଇବା ଭିଡିଓ ସୋସିଆଲ ମେଡିଆରେ ହେଲା ଭାଇରାଲ । ଯାହାକୁ ନେଇ ଏବେ ତାଳଚେର ଅଞ୍ଚଳରେ ଚର୍ଚ୍ଚା ଜୋର ଧରିଥିବା ବେଳେ ବିଭିନ୍ନ ମହଲରେ ଏହାକୁ ନିନ୍ଦା କରା ଯାଇଛି । ସୋସିଆଲ ମେଡିଆରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ୩-୪ ଜଣ ଝିଅଙ୍କୁ ଜଣେ ଯୁବକ ଗ୍ଲାସରେ ମଦ ଢାଳୁଛନ୍ତି । ଆଉ ଝିଅ ୩-୪ ଜଣ ଆଗ୍ରହ ସହକାରେ ମଦ ପିଉଛନ୍ତି । ଆଉ ଏହି ମଦ ପିଇବା ବେଳେ ଖୁସିରେ ଗଦଗଦ ହେଉ ଯାଉଛନ୍ତି ଯୁବତୀ । ମଦ ଢାଳି ଦେଉଥିବା ଯୁବକ ଜଣଙ୍କ ମଧ୍ୟ ତାଳଚେର ଅଞ୍ଚଳର ବୋଲି ଜଣା ପଡ଼ିଛି । ଏହି ଭିଡିଓ ଭାଇରାଲ ପରେ ଅଭିଭାବକ ମହଲରେ ଅସନ୍ତୋଷ ଦେଖା ଦେଇଛି । ଅଭିଭାବକ ମାନେ କଲେଜ କର୍ତ୍ତୃପକ୍ଷଙ୍କୁ ଏ ନେଇ ଅଭିଯୋଗ କରିଥିବା ମଧ୍ୟ ଜଣା ପଡ଼ିଛି । ତେବେ ଯୁବତୀ ମାନେ ଏଭଳି ଖୁଲମଖୁଲା ମଦ ପିଇବାକୁ ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିବା ବେଳେ କଲେଜ ଡ୍ରେସ ପିନ୍ଧି କଲେଜ ସମୟରେ ପାଠ ପଢା ଛାଡି ବାହାରେ ଆସି ମଦ ପିଇବା କଣ ପ୍ରମାଣ କରୁଛି।

Share on Facebook

Tweet

Follow us

Save