ସାଇକେଲକୁ ଧକ୍କା ଦେଲା ପିକଅପ ,ସାଇକେଲ ଆରୋହି ମୃତ

ନରସିଂହପୁର: ନରସିଂହପୁର ବ୍ଲକ କାନପୁର ଥାନା ଅନ୍ତର୍ଗତ ୬୫ ନମ୍ବର ରାଜ୍ୟ ରାଜପଥ ଚମ୍ପେଶ୍ବର ସିଂହଦ୍ଵାର ଛକ ନିକଟରେ ପିକ‌ଅପ ଭ୍ୟାନ ଧକ୍କାରେ ସାଇକେଲ ଆରୋହୀ ମୃତ ମୃତକ ହେଲେ ସଦାନନ୍ଦ ନାୟକ। ଘଟଣାରୁ ପ୍ରକାଶ ଯେ ଆଜି ସକାଳ ୧୦ଟା ସମୟରେ ନରସିଂହପୁର ରୁ ସାଇକେଲ ଯୋଗେ ସଦାନନ୍ଦ ନିଜଘର ମାନପୁର ଫେରୁଥିବା ବେଳେ ବଡମ୍ବା ରୁ ନରସିଂହପୁର ରୁ ଦ୍ରୃତଗତିରେ ଯାଉଥିବା ଏକ ପିକ‌ଅପ ଭ୍ୟାନ ସାଇକେଲ କୁ ଧକ୍କା ଦେବାରୁ ଘଟଣାସ୍ଥଳରେ ସାଇକେଲ ଆରୋହୀ ସଦାନନ୍ଦ ନାୟକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ମୃତକଙ୍କ ଘର କାନପୁର ଥାନା ମାନପୁର ପଞ୍ଚାୟତ ସନିଆ ସାହିର ବୋଲି ଜଣାପଡିଛି।ତେବେ ଧକ୍କା ଦେଇ ଫେରାର ହେବାକୁ ଉଦ୍ୟମ କରୁଥିବା ପିକ‌ଅପ ଭ୍ୟାନ କୁ ଗ୍ରାମବାସୀ ଅଟକ ରଖିଛନ୍ତି। ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା ଉତ୍ତ୍ୟକ୍ତ ଲୋକେ ୬୫ ନମ୍ବର ରାଜ୍ୟ ରାଜପଥ କୁ ଏକଘଣ୍ଟା ପାଇଁ ଅବରୋଧ କରିଥିଲେ। ଘଟଣାସ୍ଥଳରେ କାନପୁର ପୋଲିସ ପହଂଚି ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା।ବଳିଝରି ଦମକଳବାହିନୀ ମୃତ ଦେହକୁ ବଡମ୍ବା ଡାକ୍ତରଖାନାକୁ ଶବ ବ୍ୟବଚ୍ଛେଦ ପାଇଁ ପାଇଁ ପଠାଇଛି। ଅନ୍ୟପଟେ ପୋଲିସ ପିକ‌ଅପ ଭ୍ୟାନ କୁ ଜବତ କରି ତଦନ୍ତ ଜାରି ରଖିଛି।

Share on Facebook

Tweet

Follow us

Save