କନ୍ଧମାଳରେ ଅଚ୍ୟୁତଙ୍କୁ ବିରୋଧ କରି ଟାୟାର ଜାଳି ରାସ୍ତାଅବରୋଧ

କନ୍ଧମାଳ:

ବିଜେଡି ତାର ପ୍ରଥମ ପର୍ଯ୍ୟାୟ ରାଜ୍ୟସଭା ଓ ଲୋକସଭା ପ୍ରାର୍ଥୀ ତାଲିକା ଘୋଷଣା କରିସାରିଛି।କନ୍ଧମାଳ ଲୋକସଭା ପାଇଁ ଅଚ୍ୟୁତ ସାମନ୍ତଙ୍କୁ ପ୍ରାର୍ଥୀ କରିବା ପାଇଁ ନାମ ଘୋଷଣା ପରେ ଆରମ୍ଭ ହୋଇଯାଇଛି ଵିରୋଧ। କନ୍ଧମାଳ ଲୋକସଭା ଆସନରେ ଅଚ୍ୟୁତ ସାମନ୍ତଙ୍କ ପ୍ରାର୍ଥିତ୍ୱକୁ ନେଇ ସ୍ଥାନୀୟ ବିଜେଡିର ତୀବ୍ର ବିରୋଧ ଦେଖିବାକୁ ମିଳିଛି। ଫୁଲବାଣୀସ୍ଥିତ ବିଜୁ ପଟ୍ଟନାୟକ ଛକରେ ଦଳର ଅନେକ ନେତା ଓ କର୍ମୀ ଟାୟାର ଜାଳି ରାସ୍ତା ଅବରୋଧ କରି ପ୍ରତିବାଦ କରିଛନ୍ତି। ବାହାରୁ ନୁହେଁ କନ୍ଧମାଳ ଜିଲ୍ଲାରୁ ହିଁ କୌଣସି ବ୍ୟକ୍ତିଙ୍କୁ ପ୍ରାର୍ଥୀ କରାଯିବାକୁ ସେମାନେ ବିଜେଡି ସଭାପତିଙ୍କୁ ଦାବି କରିଛନ୍ତି।ବିନେଡି ସୁପ୍ରିମୋ ଏ ଉପରେ ତୁରନ୍ତ ନିଷ୍ପତି ନେବାକଜ ଦାବି କରିବା ସହ ନହେଲେ ଆଗାମୀ ଦିନରେ ସମଗ୍ର କନ୍ଧମାଳ କୁ ବନ୍ଦ କରିବାର ଚେତାବନୀ ଦେଇଛନ୍ତି।

ଗତଥର ଜିଲ୍ଲା ବାହାରୁ ଏଠାରୁ ଜଣଙ୍କୁ ପ୍ରାର୍ଥୀ କରାଯାଇଥିବାବେଳେ ଏଥର ବି ଏହାର ପୁନରାବୃତ୍ତି କରାଯାଇଥିବାରୁ ସ୍ଥାନୀୟ ବିଜେଡି ନେତୃବୃନ୍ଦ ଦୃଢ଼ ବିରୋଧ କରିଛନ୍ତି। ସ୍ଥାନୀୟ ନେତାଙ୍କୁ ପ୍ରାର୍ଥୀ କରାଯାଉ ନଥିବାରୁ ଜିଲ୍ଲାର ନେତା, କର୍ମୀ ଓ ସମର୍ଥକ ସାଂସଦଙ୍କ ସହ ଯୋଗାଯୋଗ ଓ ସୁବିଧା ଅସୁବିଧା ଜଣାଇବାରେ ପୁଣି ଅସୁବିଧା ଭୋଗିବେ ବୋଲି ପ୍ରତିବାଦକାରୀ କହିଛନ୍ତି। ତେଣୁ ଦଳ ସଭାପତି ନିଷ୍ପତ୍ତି ପରିବର୍ତ୍ତନ ନକଲେ ଅଚ୍ୟୁତଙ୍କ ପ୍ରାର୍ଥିତ୍ୱ ବିରୋଧରେ ଆଗକୁ ଜିଲ୍ଲା ବ୍ୟାପୀ ଆନ୍ଦୋଳନ ତେଜିବ ବୋଲି ଚେତାବନୀ ଦିଆଯାଇଛି।

କଣ ନିଷ୍ପତି ନେବେ ଦଳର ସୁପ୍ରିମୋ।ଅଚ୍ୟୁତ ସାମନ୍ତଙ୍କ ନାଁ ଘୋଷଣା ହେଇସାରିବା ପରେ ପୁଣି କଣ ବଦଳିବ ଆଉ କାହାର ନାମ ଯଦି ବଦଳେ କିଏ ହେବ କନ୍ଧମାଳର ଲୋକସଭାର ପ୍ରାର୍ଥୀ।ଦଳର ସୁପ୍ରିମୋଙ୍କ ନିଷ୍ପତିକୁ କେତେଦୂର ଗ୍ରହଣ କରୁଛନ୍ତି କନ୍ଧମାଳ ବାସୀ।

Share on Facebook

Tweet

Follow us

Save