ଭୁବନେଶ୍ୱର: ଭୁବନେଶ୍ୱର ଆପୋଲୋ ହସ୍ପିଟାଲରେ ଆଜି ସକାଳେ ନିିଆଁ ଲାଗିଛି। ହସ୍ପିଟାଲର ୫ମ ମହଲାରେ ନିଆଁ ଲାଗିଥିବା ଜଣାଯାଇଛିି। ନିଆଁ ଲାଗିବା ପରେ ଏହି ମହଲାରେ ଥିବା ରୋଗୀମାନଙ୍କୁ ତଳମହଲାକୁ ସ୍ଥାନାନ୍ତର କରାଯାଇଛି। ଅଗ୍ନିକାଣ୍ଡର କାରଣ ଜଣାପଡ଼ି ନ ଥିଲେ ମଧ୍ୟ ସର୍ଟ ସର୍କିଟରୁ ଏହି ଅଗ୍ନିକାଣ୍ଡ ଘଟିଥିବା ଆଶଙ୍କା କରାଯାଉଛି।ମିଳିଥିବା ସୂଚନା ଅନୁଯାୟୀ, ଆଜି ସକାଳ ପ୍ରାୟ ୧୦ଟା ବେଳେ ହଠାତ ଆପୋଲୋ ହସ୍ପିଟାଲର ୫ମ ମହଲାରେ ଥିବା ଆଇସିୟୁ ପାଖରେ ନିଆଁ ଲାଗିଥିଲା। ସଙ୍ଗେ ସଙ୍ଗେ ହସ୍ପିଟାଲ କର୍ତ୍ତୃପକ୍ଷ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ କରିବା ସହିତ ଅଗ୍ନିଶମ ବିଭାଗକୁ ଖବର ଦେଇଥିଲେ। ତେବେ ପ୍ରବଳ ଧୂଆଁ ଯୋଗୁଁ ଏବେ ବି ପରିସ୍ଥିତି ଗମ୍ଭୀର ରହିଛି। ଅଗ୍ନିଶମ ଅଧିକାରୀମାନେ ଭିତରେ ପ୍ରବେଶ ପାଇ ଉଦ୍ୟମ ଚଳାଇଛନ୍ତି। ପଞ୍ଚମ ମହଲାରେ ଥିବା ପ୍ରାୟ ୨୦ ଜଣ ରୋଗୀଙ୍କୁ ତଳକୁ ଅଣାଯାଉଥିିବା ସୂଚନା ମିଳିଛି।ତେବେ ଲିଫ୍ଟ ବନ୍ଦ ଥିବାରୁ ରୋଗୀମାନଙ୍କୁ ଷ୍ଟ୍ରେଚରରେ ବାନ୍ଧି ତଳକୁ ଆଣିବା ପାଇଁ ଉଦ୍ୟମ କରାଯାଉଛି। ତୁରନ୍ତ ଚିକିତ୍ସା ଦରକାର କରୁଥିବା ଆଇସିୟୁରେ ଥିବା ରୋଗୀଙ୍କୁ ଅନ୍ୟ ହସ୍ପିଟାଲକୁ ପଠାଯାଉଛି। ଆପୋଲୋ ହସ୍ପିଟାଲ ପରିସରରେ ୫୦ଟି ଆମ୍ବୁଲାନ୍ସ ଏହି କାର୍ଯ୍ୟରେ ଲାଗିଛନ୍ତି।ଘଟଣାସ୍ଥଳରେ ପୁଲିସ କମିସନର ସତ୍ୟଜିତ ମହାନ୍ତି ପହଞ୍ଚିଛନ୍ତି। ହସ୍ପିଟାଲର ଫାୟାର ଅଡିଟ୍ ନିୟମିତ ହେଉଥିଲା କି ନାହିଁ ତାହା ପୁଲିସ ଯାଞ୍ଚ କରିବ ବୋଲି ସେ କହିଛନ୍ତି।ସୂଚନାଯୋଗ୍ୟ ଯେ ଅନୁରୂପ ଭାବେ ୨୦୧୭ ମସିହାରେ ଅଗ୍ନିକାଣ୍ଡ ଘଟି ସମ୍ ହସ୍ପିଟାଲରେ ମଧ୍ୟ ବହୁ ରୋଗୀଙ୍କ ମୃତ୍ୟୁ ଘଟିଥିଲା।
Related Posts
ତାଳଚେର ଥର୍ମାଲ ଦ୍ୱାରା ରାଷ୍ଟ୍ରୀୟ ଆବିଷ୍କାର ଅଭିଯାନ ର ଦୁଇଦିନିଆ କର୍ମଶାଳା
- NTP Bureau Report
- 13/02/2020
- 0
ଅନୁଗୋଳ(ଏନଟିପି): ଅନୁଗୋଳ ଜିଲ୍ଲା ତାଳଚେର ଥର୍ମାଲ ଦ୍ୱାରା ପାରିପାର୍ଶ୍ଵିକ 10 ଟି ସରକାରୀ ବିଦ୍ୟାଳୟରେ ରାଷ୍ଟ୍ରୀୟ ଆବିଷ୍କାର ଅଭିଯାନ କାର୍ଯ୍ୟକ୍ରମ ର 2 ଦିନିଆ କାର୍ଯ୍ୟଶାଳା ଆଜି ଥର୍ମାଲ EDC ଅଡିଟୋରିଅମ ରେ ଥର୍ମାଲ […]
ତାଳଚେର ବିଧାୟକଙ୍କ ଗାଡି ପୋଡି ଘଟଣାରେ ୨ ଗିରଫ,ଜଣେ ଫେରାର
- NTP Bureau Report
- 15/12/2019
- 0
ଅନୁଗୋଳ(ଏନଟିପି): ଅନୁଗୋଳ ଜିଲ୍ଲା ତାଳଚେର ବିଧାୟକଙ୍କ ଗାଡ଼ି ପୋଡି ଘଟଣାରେ ବିକ୍ରମପୁର ପୋଲିସ ଦୁଇ ଜଣଙ୍କୁ ଗିରଫ କରିଛି । ଗିରଫ ଯୁବକ ଦୁଇ ଜଣ ହେଲେ ଯୁବ ସମାଜ ସେବୀ ସଙ୍ଗଠନର ସଭାପତି ସ୍ବାଧିନ […]
ଢେଙ୍କାନାଳ ଟାଟାଷ୍ଟିଲ ବି ଏସ ଲ ପ୍ଲାଣ୍ଟ ନିକଟରେ ଥିବା ଦୁଇ ବିଦ୍ୟାଳୟ ର ଶ୍ରେଣୀ ଗୃହ ଉଦ୍ ଘାଟିତ
- NTP Bureau Report
- 15/07/2019
- 0
ଢେଙ୍କାନାଳ (ଏନ ଟି ପି): ଢେଙ୍କାନାଳ ଜିଲ୍ଲା ନରେନ୍ଦ୍ରପୁର ନିକଟସ୍ଥ ଏହାର ପ୍ଲାଣ୍ଟ ନିକଚରେ ଦୁଇଟି ବିଦ୍ୟାଳୟରେ ଶ୍ରେଣୀ ଗୃହକୁ ଟାଟା ଷ୍ଟିଲ ବିଏସଏଲ ଛାତ୍ରଛାତ୍ରୀଙ୍କ ପାଇଁ ଉତ୍ସର୍ଗ କରିଛି। କଂପାନିର ଚିଫ୍ ଅପରେଟିଂ […]