ଏନଟିପି(ଅନୁଗୋଳ)
ଅନୁଗୁଳ ଜିଲ୍ଲା ତାଳଚେର ସୁରକ୍ଷା ମଞ୍ଚ ଦ୍ୱାରା ୧୬ ଦଫା ଦାବି ନେଇ ୪ ଦିନ ଧରି ଖଣିବନ୍ଦ ଆନ୍ଦୋଳନ ଚାଲିଥିଲା।ପ୍ରଶାଶନ ସହ ବୈଠକ ପରେ ଆନ୍ଦୋଳନକୁ ସ୍ଥଗିତ ରଖିଲା ମଞ୍ଚ।ଏନେଇ ଆଜି ଜିଲ୍ଲାପାଳଙ୍କ ଅଧ୍ୟକ୍ଷତାରେ ତ୍ରିପାକ୍ଷିକ ବୈଠକ ବସିଥିଲା ।ବୈଠକରେ ଆସନ୍ତା ଫେବୃୟାରୀ ୫ ତାରିଖରେ ସଚିବ ସ୍ତରୀୟ ବୈଠକରେ ନିସ୍ପତି ନିଆଜିବସେ ପର୍ଯ୍ୟନ୍ତ ଆନ୍ଦୋଳନକୁ ସ୍ଥଗିତ ରଖିଲା ମଞ୍ଚ।ତାଳଚେର ଏମ୍ସିଏଲ କୋଇଲା ଖଣି କ୍ଷତିଗ୍ରସ୍ତ ତାଳଚେର ଅଧିବାସୀ ଙ୍କ ସୁରକ୍ଷା, ନିଯୁକ୍ତି ଓ ଥଇଥାନ ସମେତ ମହାନଦୀ କୋଲ ଫିଲଡ୍ସ ଦ୍ୱାରା ପ୍ରଭାବିତ ହୋଇ ଥିବା ଲୋକ ମାନଙ୍କ ବିଭିନ୍ନ ସମସ୍ୟା ନେଇ 16 ଦଫା ଦାବିରେ ତାଳଚେର ସୁରକ୍ଷା ମଞ୍ଚ ଦ୍ଵାରା ଚାଲିଥିବା ଅର୍ଥନୈତିକ ଅବରୋଧ ଓ ବନ୍ଦ ପାଳନ ଯୋଗୁଁ କୋଇଲା ଉତ୍ପାଦନ ଓ ପରିବହନ ବ୍ୟାହତ ହେବା ସହ ପାୱାର ପ୍ଲାଣ୍ଟ ଗୁଡ଼ିକରେ ସଂକଟ ସୃଷ୍ଟି ହୋଇଥିଲା ।
ଆନ୍ଦୋଳନର ପ୍ରଭାବରୁ ରାଜସ୍ୱ କ୍ଷତି :
ଆନ୍ଦୋଳନର ପ୍ରଭାବ ଯୋଗୁଁ କୋଟି କୋଟି କୋଟି ଟଙ୍କା ରାଜସ୍ୱ କ୍ଷ୍ୟତି ସହିବାକୁ ପଡିଲା ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କୁ।ବନ୍ଦ ପାଳନ ଯୋଗୁଁ MCL ର ସମସ୍ତ 10 ଟି କୋଇଲା ଖଣି ରୁ ଉତ୍ପାଦନ ଓ ପରିବହନ ବନ୍ଦ ଯୋଗୁଁ ରାଷ୍ଟ୍ରାୟତ ଉଦ୍ୟୋଗ NTPC ଓ Nalco CPP କୁ କୋଇଲା ଯୋଗାଣ ବନ୍ଦ ହୋଇଯାଇଥିଲା। 3 ହଜାର ମେଗାୱାଟ ବିଶିଷ୍ଟ କଣିହାଁ ସ୍ଥିତ N T P C ର ଦୈନିକ 55 ହଜାର ମେଟ୍ରିକ ଟନ କୋଇଲା ଆବଶ୍ୟକ ହେଉଥିବା ବେଳେ , ଏବେ ମାତ୍ର ଏହାର ଷ୍ଟକୟାର୍ଡ଼ ରେ 3 ଲକ୍ଷ ଟନ କୋଇଲା ଗଛିତ ଅଛି । ସେହିପରି ଏହି ଧର୍ମଘଟ ଯୋଗୁଁ MCL ର 60 କୋଟି ଓ ରାଜ୍ୟ ଏବଂ କେନ୍ଦ୍ର ସରକାରଙ୍କର 54 କୋଟି ଟଙ୍କାର ରାଜସ୍ୱ କ୍ଷତିସହିବାକୁ ପଡିଥିଲା ।
