ଜେ.ପି.କନଷ୍ଟ୍ରକସନ ବଢାଇଲା ସହାୟତାର ହାତ ;ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୨ ଲକ୍ଷ ୫୦ହଜାର ଟଙ୍କା ପ୍ରଦାନ

ଅନୁଗୋଳ(ଏନଟିପି):

କରୋନା କୁ ନେଇ ସାରା ବିଶ୍ୱ ଏବେ ସ୍ତବ୍ଧ ହୋଇଯାଇଛି।କରୋନା ମହାମରାଇ ସହ ଲଢ଼ିବାକୁ ହେଲେ ସମସ୍ତଙ୍କୁ ସହଯୋଗର ହାତ ବଢାଇବାକୁ ହେବ।ରାଜ୍ୟ ସରକାର କରୋନାକୁ ପ୍ରତିହତ କରିବା ପାଇଁ ଦିନ ରାତି ଏକ କରିଛନ୍ତି । ବିଭିନ୍ନ ପ୍ରକାରର ପଦକ୍ଷେପ ମଧ୍ୟ ଗ୍ରହଣ କରୁଛନ୍ତି । କରୋନା ଯୁଦ୍ଧରେ ରାଜ୍ୟ ସରକାରଙ୍କୁ ସହଯୋଗ କରିବା ଲାଗି ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଅନେକ ବଦାନ୍ୟ ଅନୁଷ୍ଠାନ/ବ୍ୟକ୍ତି ଦାନ କରିବାକୁ ଆଗେଇ ଆସିଛନ୍ତି । ଠିକ୍ ସେହିପରି ତାଳଚେର ଜେ. ପି. କଂଷ୍ଟ୍ରକସନର ତତ୍ତ୍ଵାବଧାରକ ତଥା ସ୍ବେଚ୍ଛାସେବୀ ରାଜେଶ କୁମାର ଦାସ ଏବଂ ମନୋଜ ସାହୁ ୨ ଲକ୍ଷ ୫୦ ହଜାର ଟଙ୍କା କମ୍ପାନୀ ତରଫରୁ ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ଉପଜିଲ୍ଲାପାଳ ରଜନୀକାନ୍ତ ସ୍ବାଇଁଙ୍କ ଜରିଆରେ ପ୍ରଦାନ କରିଛନ୍ତି ।

ଦେଶ ତଥା ରାଜ୍ୟ ର ଏଭଳି ସଙ୍କଟ ସମୟରେ ସରକାରଙ୍କୁ ସହାୟତା କରିବା ଅତ୍ୟନ୍ତ ଜରୁରୀ ବୋଲି ଭାବି ସେମାନେ ଏହି ଟଙ୍କା ଦେଇଛନ୍ତି ବୋଲି କହିଛନ୍ତି । ବିଗତ ୪ ସପ୍ତାହ ହେବ ପ୍ରତ୍ୟେକ ଦିନ ଅସହାୟ ଲୋକମାନଙ୍କୁ କିଛି ନା କିଛି ଖାଦ୍ୟ ପଦାର୍ଥ,ଔଷଧ ଓ ପଶୁ ପକ୍ଷୀଙ୍କୁ ଖାଦ୍ୟ ପାନୀୟ ଦେଇ ଆସୁଛନ୍ତି ରାଜେଶ ଏବଂ ତାଙ୍କ ସହଯୋଗୀ ମାନେ। ଏହା ସହ କରୋନା ଯୁଦ୍ଧରେ ସାମିଲ ହୋଇ ନିଜ ସାମର୍ଥ୍ୟ ଅନୁଯାୟୀ ରାଜ୍ୟ ସରକାରଙ୍କୁ ସହଯୋଗ କରିବା ପାଇଁ ରାଜ୍ୟବାସୀଙ୍କୁ ସେ ନିବେଦନ କରିଛନ୍ତି ।ତାଙ୍କର ଏଭଳି ମହତ କାର୍ଯ୍ୟ ପାଇଁ ସ୍ଥାନୀୟ ଅଞ୍ଚଳ ବାସୀ ତଥା ଉପଖଣ୍ଡ ପ୍ରଶାସନ ତାଙ୍କୁ ସାଧୁବାଦ ଜଣାଇଛନ୍ତି । ତାଳଚେର ବିଧାୟକ ବ୍ରଜ କିଶୋର ପ୍ରଧାନଙ୍କ ପ୍ରେରଣାରେ ସେମାନେ ଉତ୍ସାହିତ ହୋଇ ଏହି କାମ ସବୁ କରି ଆସୁଛନ୍ତି ବୋଲି ରାଜେଶ ଦାସ ପ୍ରକାଶ କରିଛନ୍ତି ।ଏ ସମୟରେ ସମସ୍ତେ ଏକ ହୋଇ କରୋନା ବିରୁଦ୍ଧରେ ଲଢେଇ ଜାରି ରଖିବାର ଆବଶ୍ୟକତା ରହିଛି।କରୋନାକୁ ନ ଡରି ସରକାରଙ୍କ ଦ୍ୱରା ଜରାଇ କରାଯାଇଥିବା ଆଡ଼ଭାଇଜରି ର ଅନୁପାଳନ କଲେ କରୋନା ଭୟ ରହିବ ନାହିଁ।ସଚେତନତା ଓ ସତର୍କତା ମୂଳକ ପଦକ୍ଷେପ ଗ୍ରହଣ କଲେ କରୋନା ଠାରୁ ଆମେ ରକ୍ଷା ପାଇପାରିବା।

Share on Facebook

Tweet

Follow us

Save