ଭୁବନେଶ୍ୱର(ଏନ ଟିପି)
ଭୁବନେଶ୍ୱର କିସ (କଳିଙ୍ଗ ଇନଷ୍ଟିଚ୍ୟୁଟ ଅଫ ସୋସିଆଲ ସାଇନ୍ସେସ)ରେ ନିରାଡମ୍ବର ଭାବେ ସାମାଜିକ ଦୂରତ୍ୱ ବଜାୟ ରଖି ବିଜୁ ପଟ୍ଟନାୟକଙ୍କ ଶ୍ରାଦ୍ଧବାର୍ଷିକୀ ପାଳିତ ହୋଇଛି। କିଟ୍ ଓ କିସ୍ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡକ୍ଟର ଅଚ୍ୟୁତ ସାମନ୍ତ କିସ ପରିସରରେ ପ୍ରବାଦ ପୁରୁଷ ବିଜୁ ବାବୁଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ତାଙ୍କର ସ୍ମୃତିଚାରଣ କରିଥିଲେ। ବିଜୁ ବାବୁଙ୍କ ଭଳି ରାଜନୈତିକ ବ୍ୟକ୍ତିତ୍ୱ ବିରଳ ଓ ଜନଜାତିଙ୍କ ପାଇଁ ତାଙ୍କର ସ୍ୱପ୍ନ କିସ୍ ରେ ବାସ୍ତବ କ୍ଷେତ୍ରରେ କାର୍ଯ୍ୟକାରୀ କରାଯାଉଛି ବୋଲି ପ୍ରତିଷ୍ଠାତା ଡକ୍ଟର ସାମନ୍ତ କହିଥିଲେ।
ଶ୍ରୀ ସାମନ୍ତ କହିଥିଲେ ବିଜୁ ବାବୁ ଥିଲେ ଦୁର୍ଦ୍ଧର୍ଷ ପାଇଲଟ୍, ଦକ୍ଷ ଶିଳ୍ପପତି ଓ ବିଚକ୍ଷଣ ରାଜନୀତିଜ୍ଞ ଭାବେ ସୁପରିଚିତ ବିଜୁ ପଟ୍ଟନାୟକ ଜାତୀୟସ୍ତରର ଜଣେ ସର୍ବମାନ୍ୟ ନେତା ଓ ଜନନାୟକ । ପ୍ରବାଦପୁରୁଷ, କଳିଙ୍ଗବୀର, ଦ୍ୱିତୀୟ ଖାରବେଳ, ଭୂମିପୁତ୍ର ଆଦି ଅନେକ ବିଶେଷଣରେ ଚିହ୍ନିତ ମଧ୍ୟ ଥିଲେ।ମହାପୁରୁଷମାନଙ୍କର ମୃତ୍ୟୁ ନାହିଁ, ସେମାନେ ମରିକି ବି ସଦା ଅମର। #ବିଜୁବାବୁ ପ୍ରତ୍ୟେକ ଓଡ଼ିଆଙ୍କ ପାଇଁ କେବଳ ଏକ ବ୍ୟକ୍ତି ନୁହଁନ୍ତି, ଏକ ଗରୀମାମୟ ଅନୁଷ୍ଠାନର ନାମ।ଆଧୁନିକ ଓଡ଼ିଶାର ବିଶ୍ଵକର୍ମା, ବିଶିଷ୍ଟ ସ୍ୱାଧୀନତା ସଂଗ୍ରାମୀ, ପୂର୍ବତନ ମୁଖ୍ୟମନ୍ତ୍ରୀ, ପ୍ରବାଦ ପୁରୁଷ, କଳିଙ୍ଗ ବୀର ତଥା ପ୍ରତ୍ୟେକ ସ୍ବାଭିମାନୀ ଓଡ଼ିଆଙ୍କ ଆଦର୍ଶ ପୁରୁଷ ଜନନେତା #ଝଡରଇଗଲ ବିଜୁବାବୁଙ୍କ ୨୩ତମ ପୁଣ୍ୟତିଥିରେ ଭକ୍ତିପୂତ ଶ୍ରଦ୍ଧାଞ୍ଜଳି ଓ କୋଟି ପ୍ରଣାମ ଜଣାଇଛନ୍ତି ଅଚ୍ୟୁତ ସାମନ୍ତ।
