କନ୍ଧମାଳ:ଅଗ୍ନିକାଣ୍ଡରେ ୪ ବଖରା ଜଳିଗଲା

କନ୍ଧମାଳ(ଏନ ଟି ପି):

କନ୍ଧମାଳ ଜିଲା ବାଲିଗୁଡା ଉପଖଣ୍ଡ ଅନ୍ତର୍ଗତ ରାଇକିଆ ବ୍ଲକ ବଡ଼ବରବା ପଞ୍ଚାୟତର ଖଜୁରିଖମନ ଗ୍ରାମରେ ରାତି ପ୍ରାୟ ୧୧ଟାରେ ଅଗ୍ନିକାଣ୍ଡ ଘଟି ୪ବଖରା ଘର ପୋଡ଼ି ଯାଇଛି। ରାଇକିଆ ଠାରୁ ପାଖାପାଖି ୩୫ କିମି ଦୂର ଏବଂ ଯୋଗାଯୋଗ ସୁବିଧା ନଥିବାରୁ ଅଗ୍ନିଶମ ଗାଡି ପହଂଚି ପାରିନଥିଲା। ଗ୍ରାମର କନିଷ୍ଠ ମଲ୍ଲିକ, ରବି ମଲ୍ଲିକ, ନରେନ୍ଦ୍ର ମଲ୍ଲିକ, ଅନୁରୋଧ ମଲ୍ଲିକ ଘର ସମ୍ପୂର୍ଣ୍ଣ ଜଳି ଯାଇଛି। ଗ୍ରାମବାସୀ ନିଆଁ ଲିଭାଇବାକୁ ଚେଷ୍ଟା କରିଥିଲେ ମଧ୍ୟ ଆୟତ୍ତ କଲାବେଳକୁ ବିଳମ୍ବ ହୋଇଯାଇ ଥିଲା। ଘରେ ଥିବା ଧାନ, ଚାଉଳ, ମାଣ୍ଡିଆ ଏବଂ ନିତ୍ୟ ବ୍ୟବହୃତ ସାମଗ୍ରୀ ସହ ଆସବାବପତ୍ର ସବୁ ପୋଡ଼ି ନଷ୍ଟ ହୋଇଯାଇଥିଲା।ଏ ନେଇ  ପଞ୍ଚାୟତ ତରଫରୁ ବିପନ୍ନଙ୍କୁ ଚାଉଳ, ଡାଲି, ଚୁଡ଼ା ଯୋଗାଇ ଦିଆଯାଇଛି।

Share on Facebook

Tweet

Follow us

Save