କରୋନାରୁ ବର୍ତ୍ତିବା ଲକ ଡାଉନ କେବଳ ଯଥେଷ୍ଟ ନୁହେଁ ; ବିଶ୍ୱ ସ୍ୱାସ୍ଥ୍ୟ ସଂଗଠନ

ନୂଆଦିଲ୍ଲୀ(ଏନଟିପି):

କରୋନା ଭାଇରସ ଯୋଗୁଁ ଭାରତର ଅନେକ ରାଜ୍ୟରେ ଲକଡାଉନ ଘୋଷଣା ହୋଇଛି । କେବଳ ଭାରତ ନୁହେଁ, ବରଂ ସମଗ୍ର ବିଶ୍ୱରେ ଅନେକଗୁଡ଼ିଏ ଦେଶର ଲୋକେ ଘରୁ ବାହାରକୁ ଯାଉନାହାନ୍ତି । ସମସ୍ତେ ଉଦ୍ୟମ କରୁଛନ୍ତି, କରୋନା ଭାଇରସ ନିୟନ୍ତ୍ରଣରେ ରହୁ । ଏହାରି ମଧ୍ୟରେ ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ ବୟାନ ଆସିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି, କରୋନା ଭାଇରସ ବ୍ୟାପିବା ନିୟନ୍ତ୍ରଣ ପାଇଁ କେବଳ ଲକଡାଉନ ଯଥେଷ୍ଟ ନୁହେଁ । 

ଜାତୀୟ ଗଣମାଧ୍ୟମ ସଂସ୍ଥାର ଖବର ଅନୁସାରେ ବିଶ୍ୱ ସ୍ୱାସ୍ଥ୍ୟ ସଂଗଠନର ମାଇକ ରାୟନ ନିଜର ବୟାନରେ କହିଛନ୍ତି, କେବଳ ଲକଡାଉନ କରୋନାକୁ ନିୟନ୍ତ୍ରଣ କରିବାରେ ଯଥେଷ୍ଟ ଭୂମିକା ନେଇପାରିବ ନାହିଁ । ଲୋକେ ରୋଗରେ ପଡ଼ିଛନ୍ତି ଏବଂ ସେମାନଙ୍କୁ ଖୋଜି ତାଙ୍କ ଉପରେ ନଜର ରଖିବାର ଆବଶ୍ୟକତା ଅଛି । ସେ କହିଛନ୍ତି, ଲକଡାଉନ ସହ ସବୁଠାରୁ ବଡ଼ ସମସ୍ୟା ହେଲା ଯେ, ଯେତେବେଳେ ଏହା ଶେଷ ହୋଇଯିବ, ବହୁ ସଂଖ୍ୟାରେ ଲୋକେ ବାହାରକୁ ବାହାରିବେ । ପୁଣି ବିପଦ ବଢ଼ିପାରେ । ଓଡ଼ିଶାରେ ମଧ୍ୟ କରୋନା ର ମୁକାବିଲା ପାଇଁ ସମୁଦାୟ ୧୪ ଟି ଜିଲ୍ଲା କୁ ଲକ ଡାଉନ ଘୋଷଣା କରାଯାଇଛି ସତ କିନ୍ତୁ ସଠିକ ଭାବେ ଅନୁପାଳନ କରୁନଥିବା ଦେଖିବାକୁ ମିଳିଛି।ଲୋକେ ସଚେତନ ହେବାର ହିଁ ଆବଶ୍ୟକତା ରହିଛି।ସଚେତନ ହେଲେ ହିଁ କ ରୋ ନା ଠୁ ଦୂରରେ ରହିପାରିବା।

କରୋନା ଏବେ ଧିରେ ଧିରେ ବିଶ୍ୱକୁ ବ୍ୟାପି ଚାଲିଛି।କରୋନା କବଳରେ ସମଗ୍ର ବିଶ୍ୱ।ଭାରତରେ ବର୍ତ୍ତମାନ ୪୫୩ ଜଣ ଆକ୍ରାନ୍ତ ଅଛନ୍ତି।

Share on Facebook

Tweet

Follow us

Save