ସିନ୍ଦୁର ମାଗିବାରୁ ହତ୍ୟା କଲେ ଅନୁପ ସାଏ,ଖୋଲିଲା ଡବଲ ମର୍ଡର ମିଷ୍ଟ୍ରି

ଛତିଶଗଡ଼(ଏନଟିପି):

ଛତିଶଗଡ଼ ପୋଲିସ ଦ୍ୱାରା ବିଜେଡି ନେତା ଅନୁପ କୁମାର ସାଏ ଗିରଫ। ଛତିଶଗଡ଼ ପୋଲିସ ଅନୁପଙ୍କୁ ଏକ ହତ୍ୟାକାଣ୍ଡ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ଗିରଫ କରିଛି ।  

ଖୋଲିଲା ଅନୁପ ସାଏ ମିଷ୍ଟ୍ରି । ହତ୍ୟା ଅଭିଯୋଗରେ ଛତିଶଗଡ଼ ପୋଲିସ ଦ୍ୱାରା ଅନୁପ କୁମାର ସାଏ ଗିରଫ ମାମଲା ଉପରୁ ହଟିଛି ପରଦା । ଛତିଶଗଡ଼ରେ ମା, ଝିଅଙ୍କୁ ହତ୍ୟାକାଣ୍ଡ ମାମଲାରେ ସମ୍ପୃକ୍ତ ଥିବା ମାନିଲେ ଅନୁପ । ୬ଜିଲ୍ଲାର ୭୦୦ ଲୋକଙ୍କୁ ଜେରା କରିବା ପରେ ଅନୁପ ସାଏଙ୍କୁ ଗିରଫ କରାଯାଇଛି । ଏନେଇ ରାୟଗଡ଼ ଏସପି ସନ୍ତୋଷ ସିଂ ସୂଚନା ଦେଇଛନ୍ତି । 

୨୦୧୬ ମସିହାରେ ମା ଓ ଝିଅଙ୍କୁ ବିଭତ୍ସ ଭାବେ ହତ୍ୟା କରିବା ଅଭିଯୋଗରେ ପୋଲିସ ବ୍ରଜରାଜନଗରର ପୂର୍ବତନ ବିଧାୟକ ଅନୁପଙ୍କୁ ଗତକାଲି ଗିରଫ କରିଛି । ୨୦୧୬ ମସିହାରେ ଏକ ଜଙ୍ଗଲରୁ ଯେଉଁ ମା, ଝିଅଙ୍କ ମୃତଦେହ ଉଦ୍ଧାର ହୋଇଥିଲା ତାହା ଏକ ସୁପରିକଳ୍ପତ ହତ୍ୟାକାଣ୍ଡ ଥିଲା । ଏହି ଘଟଣାର ଖୁଲାସା କରି ରାୟଗଡ଼ ଏସପି କହିଛନ୍ତି, ମୃତକ କଳ୍ପନା ଦାସ ୨୦୦୫ ମସିହାରେ ତାଙ୍କ ସ୍ୱାମୀଙ୍କୁ ଛାତ୍ରପତ୍ର ଦେଇଥିଲେ । ଏହାପରେ ସେ ତାଙ୍କ ନାବାଳିକା ଝିଅକୁ ନେଇ ଅନୁପଙ୍କ ପାଖକୁ ଯାଇଥିଲେ । ତାଙ୍କ ମଧ୍ୟରେ ପ୍ରେମ ସମ୍ପର୍କ ରହିଥିଲା

ଛତିଶଗଡ଼ରେ ଏକ ହତ୍ୟା ମାମଲାରେ ବିଜେଡି ନେତା ଅନୁପ କୁମାର ସାଏଙ୍କର ସମ୍ପୃକ୍ତି ରହିଥିବା ଅଭିଯୋଗ ରହିଛି । ୨୦୧୬ ମସିହାରେ ମାଓ ଝିଅଙ୍କୁ ବିଭତ୍ସ ଭାବେ ହତ୍ୟା କରିବା ଅଭିଯୋଗରେ ପୋଲିସ ଅନୁପଙ୍କୁ ଆଜି ଗିରଫ କରିଛି । ଗତକାଲି ରାତିରେ ଛତିଶଗଡ଼ ପୋଲିସ ବ୍ରଜରାଜନଗରର ପୂର୍ବତନ ବିଧାୟକ ଅନୁପଙ୍କୁ ଏକ ହତ୍ୟାକାଣ୍ଡରେ ସମ୍ପୃକ୍ତ ଥିବା ଅଭିଯୋଗରେ ଝାରସୁଗୁଡ଼ା ଘରୁ ଉଠାଇ ନେଇଥିଲା । ଛତିଶଗଡ଼ ପୋଲିସ ଅନୁପଙ୍କୁ ରାୟଗଡ ଜିଲ୍ଲାର ଚକ୍ରଧରନଗର ଥାନାରେ ରଖି ପଚରାଉଚରା କରିବା ପରେ ଗିରଫ କରିଛି ।  ଅନୁପ କୁମାର ସାଏ ବ୍ରଜରାଜନଗର ନିର୍ବାଚନମଣ୍ଡଳୀରୁ ତିନି ଥର  କଂଗ୍ରେସ ଟିକେଟରୁ ବିଧାୟକ ରହିଥିଲେ। ପରେ କଂଗ୍ରେସ ଦଳ ଛାଡି ୨୦୧୪ ରେ ବିଜେଡି ଯୋଗଦେଇ ଥିଲେ । ବର୍ତ୍ତମାନ ରାଜ୍ୟ ପଣ୍ୟଗାର ନିଗମର ଅଧ୍ୟକ୍ଷ ଭାବେ କାର୍ଯ୍ୟଭାର ସମ୍ଭାଳୁଛନ୍ତି ଅନୁପ କୁମାର ସାଏ। 

ଉଲ୍ଲେଖଯୋଗ୍ୟ ଯେ, ୨୦୧୬ ମସିହା ଏପ୍ରିଲ ମାସରେ ଝାରସୁଗୁଡ଼ା ଛତିଶଗଡ଼ ସୀମାନ୍ତରେ କଳ୍ପନା ଦାସ (୩୨) ଓ ପ୍ରଭାତୀ ଦାସ (୧୪) ଦୁଇ ମହିଳାଙ୍କ ବିଭତ୍ସ ହତ୍ୟା କରାଯାଇ ଫିଙ୍ଗା ଯାଇଥିଲା। ପରେ ଛତିଶଗଡ଼ ପୋଲିସ ମୃତଦେହ ଉଦ୍ଧାର କରିବା ପରେ ବିଭିନ୍ନ ସ୍ଥାନ ଓ ଥାନାରେ ଅନୁସନ୍ଧାନ ଚଳାଇଥିଲା । ହତ୍ୟା ସମ୍ପର୍କରେ ଗୁପ୍ତ ତଥ୍ୟ ଜାଣିବା ପରେ ପୋଲିସ ତଦନ୍ତ କରିଥିଲା

Share on Facebook

Tweet

Follow us

Save