ISIS ର ମୁଖ୍ୟ ବାଗଦାଦି ନିହତ, ଘୋଷଣା କଲେ ଟ୍ରମ୍ପ

ଓ୍ଵାଶିଂଟନ, ଅକ୍ଟୋବର୨୭(ଏନଟିପି)

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗତ ରାତିରେ ଆମେରିକା ସେନାର ଏକ ବଡ଼ ଧରଣର ଅପରେସନରେ ଇସଲାମିକ ଷ୍ଟେଟ(ଆଇଏସ)ର ମୁଖ୍ୟ ଅବୁ ବକର ଅଲ ବାଗଦାଦୀର ମୃତ୍ୟୁ ଘଟିଥିବା ସ୍ପଷ୍ଟ କରିଛନ୍ତି। ବାଗଦାଦୀ ସହିତ ତାର ତିନୋଟି ପିଲା ଓ ଅନେକ ସହଯୋଗୀ ମଧ୍ୟ ପ୍ରାଣ ହରାଇଛନ୍ତି।  ବଗଦାଦୀ ଏକ ସୁଡ଼ଙ୍ଗରେ ଛପି ରହିଥିଲା। ମାତ୍ର ଆମେରିକା ସେନା ଚାରି ଆଡୁ ଘେରି ଯିବାରୁ ବଗଦାଦୀ ପିଲାଙ୍କ ସହ ନିଜକୁ ବିସ୍ଫୋରଣ କରି ଉଡ଼ାଇ ଦେଇଥିଲା। ସେ କାପୁରୁଷ ଥିଲା ଏବଂ କୁକୁର ପରି ମରିଛି ବୋଲି ରାଷ୍ଟ୍ରପତି ଟ୍ରମ୍ପ କହିଛନ୍ତି।ସିରିଆର ଆମେରିକା ସେନାର ଅପରେସନ ସମୟରେ ନିପାତ ହେଲା ବାଗଦାଦି।

ଟ୍ରମ୍ପ କହିଛନ୍ତି ଯେ, ଗତ ରାତିରେ ଆମେରିକା ଦୁନିଆର ଏକ ନମ୍ବର ଆତଙ୍କୀକୁ ନିପାତ କରିଛି। ସେନାର ବଡ଼ ଧରଣର ଅପରେସନରେ ବଗବାଦୀ ନିହତ ହୋଇଛି।  ସେ ଦୁନିଆର ସବୁଠୁ ଦୁର୍ଦ୍ଦାନ୍ତ ଓ ହିଂସକ ସଙ୍ଗଠନର ସଂସ୍ଥାପକ ଓ ମୁଖ୍ୟ ଥିଲା। ଟ୍ରମ୍ପ ଆଇଏସ ବିରୋଧୀ ଲଢେଇରେ ସହଯୋଗ ପାଇଁ ଋଷ, ସିରିଆ ଓ ତୁର୍କୀକୁ ମଧ୍ୟ ଧନ୍ୟବାଦ ଦେଇଛନ୍ତି

Share on Facebook

Tweet

Follow us

Save