ଭିଜିଲାନ୍ସ ଜାଲରେ ପଡିଲେ କିରାଣୀ ବାବୁ

ଅନୁଗୋଳ(ଏନଟିପି):

ଭିଜିଲାନ୍ସ ଜାଲରେ ପଡିଲେ କିରାଣୀ ବାବୁ।ବାବୁଙ୍କୁ ଲାଞ୍ଚ ନେବା ପଡିଲା ମହଙ୍ଗା।ଅନୁଗୋଳ ଜିଲ୍ଲା ତାଳଚେର ସମଲ ବ୍ୟାରେଜ , ଚିଫ ଇଞ୍ଜିନିୟର କାର୍ଯ୍ୟାଳୟର ଜଣେ ବରିଷ୍ଠ କିରାଣୀ ଆଜି ଲାଞ୍ଚ ନେଉଥିବା ବେଳେ କଟକ ଭିଜିଲାନ୍ସ ହାତରେ ଧରା ପଡିଛନ୍ତି । ବରିଷ୍ଠ କିରାଣୀ ପ୍ରଦ୍ୟୁମ୍ନ କୁମାର ବେହେରା ଓରଫ ଲୁଲୁ ଢେଙ୍କାନାଳ ପର୍ଯଙ୍ଗ ଥାନା ସାରକିଶୋରପାଳ ଗାଁର ଅକ୍ଷୟ କୁମାର ସାହୁ ନାମକ ଜଣେ ବ୍ୟକ୍ତିଙ୍କ ଠାରୁ କଣ୍ଟ୍ରାକ୍ଟର ଲାଇସନ୍ସ ପାଇଁ ୫ହଜାର ଟଙ୍କା ଲାଞ୍ଚ ମାଗିଥିଲେ । ଏଥିପାଇଁ ଅକ୍ଷୟ ଭିଜିଲାନ୍ସ ବିଭାଗର ଦ୍ୱାରସ୍ଥ ହୋଇଥିଲେ । ପୂର୍ବ ପ୍ରସ୍ତୁତି ଅନୁଯାୟୀ ପ୍ରଦ୍ୟୁମ୍ନଙ୍କୁ ଅକ୍ଷୟ ଆଜି ୫ ହଜାର ଟଙ୍କା ଲାଞ୍ଚ ଦେଉଥିବା ବେଳେ ଭିଜିଲାନ୍ସ ବିଭାଗ କାବୁ କରି ନେଇଥିଲେ । ପ୍ରଦ୍ୟୁମ୍ନଙ୍କୁ ଗିରଫ କରାଯାଇ ତାଙ୍କ ଠାରୁ ୫ହଜାର ଟଙ୍କା ଜବତ କରା ଯାଇଛି ।ଭିଜିଲାନ୍ସ ଟିମ ପ୍ରଦ୍ୟୁମ୍ନଙ୍କୁ ଅଧିକ ପଚରାଉଚରା କରୁଥିବା ଜଣାପଡିଛି।

Share on Facebook

Tweet

Follow us

Save