ମହିଳାଙ୍କୁ କଚାଡି ମାରିଲା ହାତୀ

ଅନୁଗୋଳ (ଏନଟିପି):

ମହିଳାଙ୍କୁ କଚାଡି ମାରିଲା ହାତୀ ।ଅନୁଗୋଳ ଜିଲ୍ଲାରେ ପୁଣି ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ଘଟଣା ଘଟିଛି ହଣ୍ଡପା ଥାନା ପ୍ରତାପପୁର ଗାଁରେ । ମହିଳା ଜଣଙ୍କ ଘରେ ଝାଡୁ କରୁଥିବା ବେଳେ ହାତୀ ଟାଣି ନେଇ କଚାଡି ମାରିଥିବା ଅଭିଯୋଗ ହୋଇଛି । ଘଟଣାରୁ ପ୍ରକାଶ ଯେ ପ୍ରତାପପୁର ଗାଁର ମଞ୍ଜୁଲତା ସାହୁ ଆଜି ଭୋରରୁ ଘରେ ଝାଡ଼ୁ କରୁଥିଲେ । ହଠାତ ଏକ ହାତୀ ତାଙ୍କୁ ଟାଣି ନେଇ କଚାଡି ମାରି ଦେଇଥିଲା । ଏହି ଘଟଣାକୁ ନେଇ ଉତ୍ତେଜନା ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଛି। ଉତ୍ତ୍ୟକ୍ତ ଲୋକ କ୍ଷତିପୂରଣ ଦାବିରେ ଜାତୀୟ ରାଜପଥ ୫୫ ଅବରୋଧ କରିଥିଲେ ପୋଲିସ ପହଂଚି ବୁଝାସୁଝାପରେ ଆନ୍ଦୋଳନ ପ୍ରତ୍ୟାହୃତ ହୋଇଛି।ଏଠି ପ୍ରଶ୍ନ ଉଠୁଛି ହାତୀ କବଳରୁ ମଣିଷଙ୍କୁ ସୁରକ୍ଷା ପାଇଁ ଗଠନ ହୋଇଛି ହାତୀ ସୁରକ୍ଷା ସ୍କ୍ୱାର୍ଡ ।ସ୍କ୍ୱାର୍ଡ ତାର ସଠିକ ଦାୟିତ୍ୱ କରୁଛି ଯଦି କରୁଛି ତେବେ କାହିଁକି ଜନବସତି ମୁହାଁ ହେଉଛନ୍ତି ହାତୀ।

Share on Facebook

Tweet

Follow us

Save