ବଡ଼ମ୍ବା/ନରସିଂହପୁର:-୩୦/୩:- ବଡମ୍ବା ଥାନା କୃଷ୍ଣଚନ୍ଦ୍ରପୁର ରେ ଅଘଟଣ ଆଜି ଦ୍ବିପହରରେ କୃଷ୍ଣଚନ୍ଦ୍ର ପୁର ଗ୍ରାମର ଅଶୋକ ସାହୁ ଙ୍କ ତିନି ବର୍ଷର ଝିଅ ଓ ଦିଲ୍ଲିପ ସାହୁ ଙ୍କ ତିନି ବର୍ଷର ଝିଅ ଜ୍ୟୋତିର୍ମୟୀ ସାହୁ ଦୁଇଜଣ ଯାକ ଆଜି ଦ୍ବିପହରରେ ଘରେ ସମସ୍ତେ ଶୋଇଥିବା ସମୟରେ ପୋଖରୀକୁ ଖେଳିବାକୁ ଯାଇଥିବା ବେଳେ ପୋଖରୀରେ ଗୋଡ଼ ଖସି ଯିବାରୁ ପୋଖରୀରେ ବୁଡି ଦୁଇ ଶିଶୁଙ୍କ ମୃତ୍ୟୁ ଘଟିଛି ।ତେବେ ଦ୍ବିପହରରୁ ଯାଇଥିବା ଶିଶୁମାନେ ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିବାରୁ ପୋଖରୀରେ ଭାସୁଥିବାର ଦେଖିବାକୁ ପାଇଥିଲେ। ଗ୍ରାମବାସୀ ମାନେ ଦୁଇ ଶିଶୁଙ୍କୁ ପୋଖରୀରୁ ଉଦ୍ଧାର କରି ଦେଖିଲା ବେଳକୁ ଦୁଇଜଣ ଙ୍କର ମୃତ୍ୟୁ ଘଟିଛି।ଦୁଇ ଶିଶୁଙ୍କ ମୃତ୍ୟୁ କୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି। ଘଟଣାସ୍ଥଳରେ ବହୁ ରାଜନୈତିକ ଦଳର ନେତା ମାନେ ପହଞ୍ଚି ମୃତକ ପରିବାରକୁ ସମବେଦନା ଜଣାଇଛନ୍ତି।
ପୋଖରୀରେ ବୁଡି ଦୁଇ ତିନି ବର୍ଷ ର ଶିଶୁଙ୍କ ମୃତ୍ୟୁ !!
