ବିଜେପୁରରେ ମୁଖ୍ୟମନ୍ତ୍ରୀ କରିବେ ପ୍ରାର୍ଥୀପତ୍ର ଦାଖଲ

ବିଜେପୁର(ଏନଟିପି):

ଆଜି ବିଜେପୁର ବିଧାନସଭା ନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲ କରିବେ ବିଜେଡି ସଭାପତି ନବୀନ ପଟ୍ଟନାୟକ । ପଦ୍ମପୁର ଉପଜିଲ୍ଲାପାଳ ତଥା ରିଟର୍ଣ୍ଣିଂ ଅଫିସରଙ୍କ ନିକଟରେ ସେ ନାମାଙ୍କନ ଦାଖଲ କରିବେ । ନବୀନଙ୍କ ପ୍ରସ୍ତାବକ ରହିବେ ବିଧାୟିକା ରୀତା ସାହୁ । ରୀତାଙ୍କ ବ୍ୟତୀତ ଅନ୍ୟ ତିନି ଜଣ ପ୍ରସ୍ତାବକ ରହିବେ । ନାମାନଙ୍କ ଦାଖଲ ବେଳେ ଦଳର ବହୁ ନେତା ଉପସ୍ଥିତ ରହିବେ । ଗତ ଉପନିର୍ବାଚନ ବେଳେ ବିଜେପୁରର ବିକାଶର ପ୍ରତିଶ୍ରୁତି ଦେଇଥିଲେ ମୁଖ୍ୟମନ୍ତ୍ରୀ । ଏବେ ସେ ନିଜେ ଏହି ଆସନରୁ ପ୍ରତିନିଧିତ୍ୱ କରିବେ । ତେଣୁ ବେଶ ଉତ୍ସାହିତ ବିଜେପୁରବାସୀ । ବିଜେପୁର ବିଧାନସଭା ସହ ହିଞ୍ଜିଳିରୁ ବି ଲଢୁଛନ୍ତି ନବୀନ । ପୂର୍ବରୁ ୨୦ ତାରିଖରେ ହିଞ୍ଜିଳି ବିଧାନସଭା ଆସନ ପାଇଁ ନବୀନ ମାନାଙ୍କନ ଦାଖଲ କରିଥିବା ବେଳେ ଆଜି ବିଜେପୁର ପାଇଁ ନାମାଙ୍କନ ପତ୍ର ଦାଖଲ କରିବେ ନବୀନ।

Share on Facebook

Tweet

Follow us

Save