(ଏନଟିପି )ବ୍ୟୁରୋ ରିପୋର୍ଟ :
“ହୋଲି”, ରଙ୍ଗ ପସରା ତଥା ଜାତି ଧର୍ମ ସମ୍ପ୍ରଦାୟର ସାଂସ୍କୃତିକ ଭାଇଚାରାର ଉତ୍ସବ, ଓଡିଶା ସମେତ ସମଗ୍ର ଭାରତ ହଜାର ହଜାର ବର୍ଷ ଧରି ପାଳନ କରାଯାଉଅଛି । ଏହା ବିଶେଷ କରି ହିନ୍ଦୁ ମାନଙ୍କ ପର୍ବ ହୋଇଥିବା ବେଳେ ଅଣ ହିନ୍ଦୁ ମାନେ ଭି ସାଂସ୍କୃତିକ ହିସାବରେ ପାଳନ କରନ୍ତି ।
ପୁରାଣ ଲିଖିତ କିମ୍ବଦନ୍ତୀ କହେ, ଥରେ ହିରଣ୍ୟକାଶ୍ୟପ ନାମକ ଜଣେ ରାକ୍ଷସ ଧରାପୃଷ୍ଠ ରେ ନିଜର ସାମ୍ରାଜ୍ୟ ବିସ୍ତାର କରି ରାଜୁତି କରୁଥିଲା । ସେ ଏତେ ଉଚ୍ଚାଭିଳାସୀ ଥିଲା ଯେ ସାମ୍ରାଜ୍ୟ ର ସମସ୍ତଙ୍କୁ ତାକୁ ହିଁ ପୂଜା କରିବାକୁ ଆଦେଶ ଦେଇଥିଲା । କିନ୍ତୁ ତାର ଅତୀବ ଅବଶୋଷ ହେଲା ଯେତେବେଳେ ତାର ବାଳକ ପୁତ୍ର ପ୍ରହଲ୍ଲାଦ ଭଗବାନ ନାରାୟଣ ଙ୍କ ଭକ୍ତ ପାଲଟିଗଲା ଓ ସେ ହିରଣ୍ୟକାଶ୍ୟପ କୁ ଦେବତା ଭାବେ ମାନିବାକୁ ମନା କରିଦେଲା । କ୍ରୋଧ ର ଆବେଗ ରେ ହିରଣ୍ୟକାଶ୍ୟପ ପ୍ରହଲ୍ଲାଦ କୁ ହତ୍ୟା କରିବାକୁ ଅନେକ ଚେଷ୍ଟା କଲା କିନ୍ତୁ ଭଗବାନ ବିଷ୍ଣୁ ତାକୁ ସବୁଥିରୁ ରକ୍ଷା କଲେ । ଶେଷକୁ ସେ ତାର ଭଗ୍ନୀ ହୋଲିକା କୁ ପ୍ରହଲ୍ଲାଦ କୁ କୋଳ ରେ ଧରି ପ୍ରଖର ଅଗ୍ନି ଭିତର କୁ ଯିବାପାଇ କହିଲା ଯେପରି ପ୍ରହଲ୍ଲାଦ ଦଗ୍ଧ ହେଇଯିବ ।
