ଭାଲେଣ୍ଟାଇନ ଡେ ରେ ଜୀବନ ହାରିଲେ ପ୍ରେମିକ ପ୍ରେମିକା ।

କେନ୍ଦ୍ରାପଡା(ଏନଟିପି)

ଏ ଜନ୍ମରେ ମିଳନ ନହେଲା ନାହିଁ । କିନ୍ତୁ ଆର ଜନ୍ମରେ ନିଶ୍ଚୟ ଆମର ମିଳନ ହେବ । ଏମିତି ଏକ ଭୁଲ ନିଷ୍ପତ୍ତି ନେଇ ଦୁଇ ପ୍ରେମିକ ପ୍ରେମିକାଙ୍କ କରୁଣ ଆତ୍ମହତ୍ୟା ଘଟଣା ଦୁଇ ପରିବାରଙ୍କୁ ଶୋକ ସାଗରରେ ଭସାଇ ଦେଇଛି । ଯାହା ଏବେ କେନ୍ଦ୍ରାପଡା ଜିଲାରେ ଚର୍ଚ୍ଚିତ ହେବାରେ ଲାଗିଛି ।ବୟସରେ ଦୁହେଁ ନାବାଳକ ଓ ନାବାଳିକା । ଯୁକ୍ତ ଦୁଇ କଲେଜରେ ପାଦ ଦେଉ ଦେଉ ପରଷ୍ପରକୁ ଅତି ନିକଟରୁ ପାଇବା ପାଇଁ ସ୍ବପ୍ନ ଦେଖୁଥିଲେ ଦୁହେଁ । ବାଳକଟିର ଜଣେ ସମ୍ପର୍କିୟା ଭଉଣି ବାଳିକାଟିର ସମ୍ପର୍କିୟଙ୍କୁ ବିବାହ କରିଥିଲେ ।ତେଣୁ ଉଭୟ ବନ୍ଧୁ ଘରକୁ ଯିବା ଆସିବା ଫଳରେ ଆରମ୍ଭ ହୋଇଥିଲା ପ୍ରେମ । ଆସ୍ତେ ଆସ୍ତେ କଥା ହାଟରେ ପଡି ଦାଣ୍ଡରେ ଗଡିବାକୁ ଲାଗିଲା । କସି ବୟସରେ ପରଷ୍ପରକୁ ବିବାହ କରିବାକୁ ଦୁହେଁ ନିଜନିଜ ଘରେ ପ୍ରସ୍ତାବ ଦେଇଥିଲେ । ହେଲେ ଉଭୟ ଘରର ଲୋକେ ଦୁଇ ନାବାଳକ ଓ ନାବାଳିକାଙ୍କ ପ୍ରସ୍ତାବକୁ ବାରଣ କରିଥିଲେ ।
ଗୋଟିଏ କଲେଜରେ ପାଠ ନପଢୁ ନଥିଲେ ମଧ୍ୟ ପାଖ ପାଖ କଲେଜରେ ପାଠପଢୁଥିଲେ ଦୁହେଁ । କଥା ବିଗିଡିବାକୁ ଆରମ୍ଭ କରିବାରୁ କଲେଜ ଯିବା ଆସିବାରେ ପରିବାର ପକ୍ଷରୁ କଟକଣା ଲାଗିଲା । ଦୁହିଙ୍କ ମଧ୍ୟରେ କଥା ବାର୍ତ୍ତା କରିବା ମଧ୍ୟ ଅସମ୍ଭବ ହୋଇ ପଡିଲା । ଗତକାଲି ଉଭୟଙ୍କ ମଧ୍ୟରେ ହୋଇଥିଲା ଶେଷ କଥା । ଭାଲେଣ୍ଟାଇନ ଡେ ରେ ଦେଖା ହାବାକୁ ବାଳିକା ଜଣକ ବାଳକକୁ ପ୍ରସ୍ତାବ ଦେଇଥିଲେ । ପ୍ରେମିକ ଜଣକ ସିଧାସିଧା ମନା କରି ଦେଇଥିଲେ । କହିଥିଲେ “ଏଜନ୍ମରେ ନୁହେଁ ଦେଖା ହେବା ଆର ଜନମରେ ” ।ମାନସିକ ସ୍ଥରରେ ଆଘାତ ପ୍ରାପ୍ତ ହୋଇଥିବା ବାଳକ ଜଣକ ଗତ କାଲି ବିଷ ପିଇ ଦେଇଥିଲେ । ପରିବାର ଲୋକେ ତାଙ୍କୁ କଟକର ଏକ ଘରୋଇ ଡାକ୍ତଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ସେଠାରେ ବାଳକଟିର ମୃତ୍ୟୁ ଘଟିଥିଲା । ପ୍ରେମିକଙ୍କର ମୃତ୍ୟୁ ଖବର ପାଇ ଘରେ ଥିବା ପ୍ରେମିକା ଜଣକ ଆଜି ବେକରେ ଫାସି ଦେଇ ଆତ୍ମ ହତ୍ୟା କରିଦେଇଛନ୍ତି ।ଜୀବନକୁ କଅଣ ବୁଝିବା ପୁର୍ବରୁ ନାବାଳକ ନାବାଳିକା ଦୁହେଁ ପରଷ୍ପରକୁ ପ୍ରେମ କରିବା ଓ ବିବାହ କରିବାକୁ ଜିଦ ଧରିବା ଉଭୟଙ୍କ ପାଇଁ କାଳ ହୋଇଗଲା । କଅଁଳ ବୟସରେ ଏମିତି ଭୁଲ କରି ଅନେକ ପ୍ରେମିକ ପ୍ରେମିକା ଅକାଳରେ ଝଡି ପଡୁଥିବା ଘଟଣା ସମାଜରେ ଏକ ବ୍ୟାଧି ପାଲଟି ଗଲାଣି । ତେଣୁ ଏମିତି ସବୁ ଭୁଲ ନିଷ୍ପତ୍ତି ଠାରୁ ଦୁରେଇ ରହିଲେ ଏପରି ଅଘଟଣ ସବୁକୁ ଦୁରେଇ ଦେଇ ହୁଅନ୍ତା ।

Share on Facebook

Tweet

Follow us

Save