କଣ୍ଟାବାଞ୍ଜିରେ ବିଜେପି ଓବିସି ମହାସମ୍ମିଳନୀରେ ରାଜ୍ୟସରକାରଙ୍କୁ ଟାର୍ଗେଟ କଲେ ଧର୍ମେନ୍ଦ୍ର

ବଲାଙ୍ଗୀର (ଏନଟିପି):

ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜିରେ ଆୟୋଜିତ ବିଜେପି ‘ଓବିସି ମହାସମ୍ମିଳନୀରେ’ ଯୋଗଦେଇଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କୃଷି ପ୍ରଧାନ ଅଂଚଳ ବଲାଙ୍ଗୀର ଜିଲ୍ଲାରେ ପାନୀୟ ଜଳ ସମସ୍ୟା ସମସ୍ୟା, ଚାଷୀଙ୍କ ଅସୁବିଧା, ବେରୋଜଗାରୀ ଓ ଅନ୍ୟାନ୍ୟ ମୌଳିକ ସମସ୍ୟା ଜନସାଧାରଣଙ୍କ ସାମ୍ନାରେ ଉପସ୍ଥାପନା ମଧ୍ୟ କଲେ ଶ୍ରୀ ପ୍ରଧାନ।ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବା ପରେ କୃଷକମାନଙ୍କର ଆୟକୁ ବଢାଇ ଧାନର ସର୍ବନିମ୍ନ ସହାୟକ ମୂଲ୍ୟକୁ ୧୫୫୦ରୁ ୧୭୫୦ ଟଙ୍କା ବୃଦ୍ଧି କଲେ । କିନ୍ତୁ ଏହି ଅଂଚଳରେ ଧାନ ଏମଏସପି ଠାରୁ କମ୍ ମୂଲ୍ୟରେ ବିକ୍ରି ହେଉଛି । ଜିଲ୍ଲାରେ ଅଧାରୁ ଅଧିକ ଅଂଚଳରେ ଡାକ୍ତର ନାହାନ୍ତି । କାମର ସୁଯୋଗ ନପାଇ ଯୁବକମାନେ ବାହାରକୁ କାମ କରିବାକୁ ବାଧ୍ୟ ହେଉଛନ୍ତି । ଯେଉଁ ସରକାର ୧୯ ବର୍ଷରେ ରୋଜଗାର ଦେଇପାରେ ନାହିଁ, ସେ କହେ ଆପଣ ଖୁସି ତ । ଏ ଅଂଚଳରେ ବିନା ପିସିରେ କୌଣସି ସରକାରୀ କାମ ହେଉ ନାହିଁ । ଓବିସି କମିଶନ ନରେନ୍ଦ୍ର ମୋଦୀଙ୍କ ସରକାର ଗଠନ କଲେ । ନରେନ୍ଦ୍ର ମୋଦୀ ଦାୟିତ୍ୱ ନେଲା ପରେ ଏସସି ଏସସଟି ବର୍ଗଙ୍କ ପରି ଓବିସି ବର୍ଗର ଲୋକମାନଙ୍କୁ ମଧ୍ୟ ୨୭ ପ୍ରତିଶତ ପେଟ୍ରୋଲ ପମ୍ପ ଓ ଗ୍ୟାସ ବିତରଣରେ ସଂରକ୍ଷଣ ବ୍ୟବସ୍ଥାକୁ ଲାଗୁ କଲେ ।

ରାଜ୍ୟସରକାରଙ୍କୁ ଟାର୍ଗେଟ :

ଓବିସି ବର୍ଗର ପିଲାମାନଙ୍କୁ ପାଠ ପଢିବା ପାଇଁ ଓଡିଶା ସରକାର ରାଜ୍ୟର ଶିକ୍ଷାନୁଷ୍ଠାନରେ ଅନୁପାତିକ ଭାବେ ଆରକ୍ଷଣ ଦେଉନାହାନ୍ତି।  ଆଜି ଓବିସି ପିଲାମାନେ ପାଠପଢା ଓ ଚାକିରିରେ ସଂରକ୍ଷଣ ପାଉନାହାନ୍ତି ।
ନରେନ୍ଦ୍ର ମୋଦୀଙ୍କ ସରକାର ଦେଶର, ଗରିବ, ମହିଳା, ଆଦିବାସୀ, ପଛୁଆ ବର୍ଗର ଲୋକ ମାନଙ୍କ ପାଇଁ ସମର୍ପିତ ।ଓଡିଶାରେ ରାଜ୍ୟ ସରକାରଙ୍କ ପ୍ରଦତ ସୂଚନା ଅନୁସାରେ ୩୦ ଲକ୍ଷ ଲୋକଙ୍କ ଘର ନାହିଁ ।  ୨୦୦୯ ରୁ ୧୪ ପର୍ଯ୍ୟନ୍ତ ଦିଲ୍ଲୀରେ କଂଗ୍ରେସ ସରକାର ୨୫ ଲକ୍ଷ ୫୭ ହଜାର ଘର ବନେଇଥିଲେ । ମାତ୍ର ୧୪ ରୁ ୧୯ ପର୍ଯ୍ୟନ୍ତ ନରେନ୍ଦ୍ର ମୋଦୀଙ୍କ ସରକାର ୧ କୋଟି ୪୦ ଲକ୍ଷ ଘର ବନେଇଛନ୍ତି ।୨୦୨୨ ସୁଦ୍ଧା ସମସ୍ତଙ୍କ ପାଇଁ ସ୍ଥାୟୀ ପଟ୍ଟା, ପକ୍କା ଘର ବନିବ, ଓଡିଶାରେ ଜଣେ ମଧ୍ୟ ଏମିତି ରହିବ ନାହିଁ, ଯାହା ପାଖରେ ନିଜ ସ୍ଥାୟୀ ପଟ୍ଟା,ଓ ପକ୍କା ଘର ନଥିବ । ଜନସାଧାରଣଙ୍କ ଜବାବ ମାଗୁଛି ଓଡିଶା ଅଭିଯାନରେ ସାମିଲ ହୋଇ ଓଡିଶା ସରକାରଙ୍କୁ ପ୍ରଶ୍ନ ପଚାରିବା ପାଇଁ ଆହ୍ୱାନ କରିଛନ୍ତି।

Share on Facebook

Tweet

Follow us

Save