ନାଟ୍ୟମେଳା ପାଇଁ ସାମ୍ବାଦିକ ସମ୍ମିଳନୀ

ଅନୁଗୋଳ(ଏନଟିପି)

ନାଟ୍ୟମ ଅନୁଗୋଳର ୨୬ତମ ପ୍ରତିଷ୍ଠା ଦିବସ ଉପଲକ୍ଷେ ଚଳିତ ବର୍ଷର ନାଟ୍ୟମ ରାଜ୍ୟ ସ୍ତରୀୟ ନାଟ୍ୟମେଳା ୨୦୧୯ ଜାନୁୟାରୀ ୨୭ ତାରିଖ ରୁ ଆରମ୍ଭ ହୋଇ ଫେବୃୟାରୀ ୧ ତାରିଖ ପର୍ଯ୍ୟନ୍ତ ଦୀର୍ଘ ୬ଦିନ ଧରି ଅମଲାପଡା ଅନୁଗୋଳ ର ଦୁର୍ଗାପୂଜା ପଡ଼ିଆରେ ଅନୁଷ୍ଠିତ ହେବ ବୋଲି ନାଟ୍ୟମ ଅନୁଷ୍ଠାନର ସଭାପତି ସାମ୍ବାଦିକ ସମ୍ମିଳନୀ ରେ ମତବ୍ୟକ୍ତ କରିଥିଲେ ।ଅନୁଗୋଳ ଜନସାଧାରଣ,ଜିଲ୍ଲା ପ୍ରଶାସନ ଓ ବିଭିନ୍ନ ରାଷ୍ଟ୍ରୀୟ ଉଦ୍ୟୋଗ ମାନଙ୍କର ସହଯୋଗରୁ ଏହି ନାଟ୍ୟମେଳା ସମସ୍ତ ରାଜ୍ୟର ସାଂସ୍କୃତିକ ମାନଚିତ୍ରରେ ଏକ ସ୍ୱତନ୍ତ୍ର ସ୍ଥାନ ବଜାୟ ରଖିଛି ।ଦୀର୍ଘ ୬ଦିନ ନାଟ୍ୟ ମହୋସ୍ଚବର ୨୭ ତାରିଖ ଉଦଘାଟନୀ ସନ୍ଧ୍ୟାରେ ଶତାବ୍ଦୀର କଳାକାର ଭୁବନେଶ୍ୱର ପରିବେଶଣ କରିବେ ନାଟକ ବାଞ୍ଛାର ବଗିଚା,୨୮ ତାରିଖ ରଂଗମଞ୍ଚ ରାଉରକେଲାର ନାଟକ ନୟନପୁର ଏକ୍ସପ୍ରେସ,୨୯ ତାରିଖ ପଞ୍ଚମବେଦ ରାଉରକେଲାର ନାଟକ ଅବସର,୩୦ ତାରିଖ କଳାପରିଷଦ ଢେଙ୍କାନାଳର ନାଟକ ପଣବନ୍ଦୀ,୩୧ ତାରିଖ ଶ୍ରୀ କଲଚୁରାଲ ଆସୋସିଏସନ ସମ୍ବଲପୁରର ନାଟକ ସିମନାକାନ୍ଥି ୧ ତାରିଖ ଉଦଯାପନୀ ସନ୍ଧ୍ୟାରେ ନାଟ୍ୟମ ଅନୁଗୋଳର ନାଟକ ମାଟି ମା ଅନୁଷ୍ଠିତ ହେବ ବୋଲି ନାଟ୍ୟମ ସାଧାରଣ ସଂପାଦକ କହିଛନ୍ତି ।ଏହି ନାଟ୍ୟମ ନାଟ୍ୟମେଳାକୁ ଜିଲ୍ଲାର ସମସ୍ତ ଜନସାଧାରଣ ଦେଖିଆସିବାକୁ ନାଟ୍ୟମ ଅନୁଗୋଳର ମିଡିଆ ସଂଯୋଜକ ତପନ ଦାଶ ଅନୁରୋଧ କରିଅଛନ୍ତି ।ଏହି ପ୍ରେସ ବିବୃତିରେ ନାଟ୍ୟମ ଅନୁଗୋଳର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ ।

Share on Facebook

Tweet

Follow us

Save