ୟୁଏଇରେ ହେବ ଆଇପିଏଲର ୧୩ ତମ ସଂସ୍କରଣ !

ନୂଆଦିଲ୍ଲୀ,( ଏନଟିପି ବ୍ୟୁରୋ):

ଚଳିତ ବର୍ଷ ଆଇପିଏଲର ୧୩ ତମ ସଂସ୍କରଣ ସଂଯୁକ୍ତ ଆରବ ଏମିରେଟ୍ସ ରେ ଆୟୋଜିତ ହେବାର ସମ୍ଭାବନା ରହିଛି । ଏ ନେଇ ଭାରତୀୟ କ୍ରିକେଟରମାନେ ୟୁଏଇରେ ଟ୍ରେନିଂ କରିବେ ବୋଲି ପିଟିଆଇ ପକ୍ଷରୁ ସୂଚନା ମିଳିଛି । ତେବେ ୟୁଏଇକୁ ଛାଡିଲେ ବିକଳ୍ପ ଭାବରେ ଧର୍ମଶାଳା କିମ୍ବା ଅହମ୍ମଦାବାଦର ମୋଟେରା ଷ୍ଟାଡିୟମକୁ ରଖିଛି ବିସିସିଆଇ ।ଭାରତରେ ଲକଡାଉନ ଅନେକ ସ୍ଥାନରେ ଉଠାଯାଇଛି । କ୍ରିକେଟରମାନେ ଧୀରେ ଧୀରେ ନିଜ ଟ୍ରେନିଂ ପଡ଼ିଆକୁ ଫେରି ଆଗାମୀ କ୍ରିକେଟ୍ କାର୍ଯ୍ୟ ପାଇଁ ନିଜକୁ ପ୍ରସ୍ତୁତ କରୁଛନ୍ତି । ତେବେ ବିସିସିଆଇ ପକ୍ଷରୁ କୌଣସି ଶିବିର ଆୟୋଜିତ ହୋଇନଥିବାରୁ ଭାରତୀୟ କ୍ରିକେଟରମାନେ ବ୍ୟକ୍ତିଗତ ଭାବେ ତାଲିମ ନେଉଛନ୍ତି । ପିଟିଆଇର ରିପୋର୍ଟରେ ଦର୍ଶାଯାଇଛି ଯେ କ୍ରିକେଟର ମାନେ ପଡିଆକୁ ଫେରିବା ପାଇଁ ବିସିସିଆଇ ସଂଯୁକ୍ତ ଆରବ ଏମିରେଟ୍ସକୁ ଏକ ବିକଳ୍ପ ଭାବରେ ଦେଖୁଛି ।

ପୂର୍ବରୁ୨୦୧୪ ମସିହାରେ ଭାରତୀୟ ସାଧାରଣ ନିର୍ବାଚନ ହେତୁ ଆଇପିଏଲର କିଛି ମ୍ୟାଚ ୟୁଏଇ ଠାରେ ମଧ୍ୟ ଖେଳାଯାଇଥିଲା ।

“ଯଦି ୟୁଏଇରେ ଆଇପିଏଲ୍ ଅନୁଷ୍ଠିତ ହୁଏ, ତା’ହେଲେ ଟୁର୍ଣ୍ଣାମେଣ୍ଟ ପୂର୍ବରୁ ସେଠାରେ ଭାରତୀୟ କ୍ରିକେଟରମାନେ ଟ୍ରେନିଂ ନେବେ । ସେଠାରେ ଭଲ ଭିତ୍ତିଭୂମି ମଧ୍ୟ ଭଲ ରହିଛି । ବର୍ତ୍ତମାନ ପରିସ୍ଥିତିରେ ଭାରତ ଠାରୁ ୟୁଏଇ ଅଧିକ ସୁରକ୍ଷିତ ବୋଲି ଭାରତୀୟ କ୍ରିକେଟ ବୋର୍ଡର ଜଣେ ଅଧିକାରୀ କହିଛନ୍ତି ।

Share on Facebook

Tweet

Follow us

Save