କେଉଁ କେଉଁ ଦୋକାନ ଖୋଲିବାକୁ ଅନୁମତି ଦେଲେ କେନ୍ଦ୍ରସରକାର

ନୂଆଦିଲ୍ଲୀ(ଏନଟିପି):

ସାରା ଦେଶରେ ଖୋଲିବ ଦୋକାନ । ସର୍ତ୍ତମୂଳକ ଭାବେ ଦୋକାନ ଖୋଲିବା ପାଇଁ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ମହାନଗର ନିଗମ ଓ ପୌରାଞ୍ଚଳ ବାହାରେ ଆବାସିକ ପରିସର ଓ ମାର୍କେଟ କମ୍ପ୍ଲେକ୍ସରେ ପଞ୍ଜିକୃତ ସମସ୍ତ ଦୋକାନ ଖୋଲା ରହିବ ।

ଶୁକ୍ରବାର ବିଳମ୍ବିତ ରାତ୍ରୀରେ କେନ୍ଦ୍ର ଗୃହ ସଚିବ ଅଜୟ ଭାଲ୍ଲା ସସର୍ତ୍ତ କେତେକ ସ୍ଥାନୀୟ ଏବଂ ଛାଡ଼ି ଅଲଗା ହୋଇ ଥିବା ‌ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲିବାକୁ ଅନୁମତି ଦେଇଛନ୍ତି। ସର୍ତ୍ତ ହେଉଛି ଦୋକାନର କର୍ମଚାରୀ ସଂଖ୍ୟା ୫୦% କମ୍ ରହିବ। ସମସ୍ତେ ମାସ୍କ ପିନ୍ଧିବେ ଓ ଲୌକିକ ଦୂରତା ବଜାୟ ରଖିବେ।

କେଉଁ ଦୋକାନ ସବୁ ଖୋଲା ଯାଇପାରିବ:

👉ମହାନଗର ନିଗମ ଓ ପୌରାଞ୍ଚଳ ବାହାରେ ଅବସ୍ଥିତ ସମସ୍ତ ଆବାସିକ ପରିସର ଓ ମାର୍କେଟ୍ କମ୍ପ୍ଲେକ୍ସ୍‌ରେ ଥିବା ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ‘ଦୋକାନ ଏବଂ ପ୍ରତିଷ୍ଠାନ ଆଇନ’ ଅଧୀନରେ ପଞ୍ଜିକୃତ ସମସ୍ତ ଦୋକାନ।

👉ସହର ମଧ୍ୟରେ କେବଳ ଅନ୍ୟମାନଙ୍କ ଠାରୁ ଛାଡ଼ି ଅଲଗା ହୋଇ ଥିବା ଦୋକାନ ଏବଂ ଆବାସିକ ଦୋକାନ।

👉ଆବାସିକ ଅଞ୍ଚଳ ଏବଂ ଆଞ୍ଚଳିକ ବଜାରରେ ଥିବା ସମସ୍ତ ଦୋକାନ।

👉ଆବାସିକ ପରିସରରେ ଦୂରଛଡ଼ା ହୋଇଥିବା ଦରଜୀ ଦୋକାନ।

👉ସହରାଞ୍ଚଳର ଆବାସିକ ଅଞ୍ଚଳରେ ଥିବା ଦୋକାନ ଏବଂ ଦୂରଛଡ଼ା ହୋଇ ରହିଥିବା ଦୋକାନଗୁଡ଼ିକରେ ଅଣ-ଅତ୍ୟାବଶ୍ୟକ ସାମଗ୍ରୀ ବିକ୍ରୟ କରାଯାଇ ପାରିବ।

👉ଗ୍ରାମାଞ୍ଚଳ ବଜାରରେ ଥିବା ସମସ୍ତ ଦୋକାନ ଖୋଲି ପାରିବ ଏବଂ ସମସ୍ତ ପ୍ରକାର ଅତ୍ୟବଶ୍ୟକ ଓ ଅଣଅତ୍ୟାବଶ୍ୟକ ସାମଗ୍ରୀ ବିକ୍ରୟ ହୋଇପାରିବ।

👉ମହାନଗର ଓ ପୌରାଞ୍ଚଳ ବାହାରେ ପଞ୍ଜିକୃତ ଦୋକାନ ୫୦% କର୍ମଚାରୀରେ ଖୋଲିବେ

👉ମାସ୍କ ଓ ସାମାଜିକ ଦୂରତ୍ୱ ନିୟମକୁ କଡ଼ାକଡ଼ି ମାନିବେ

👉ସହରାଞ୍ଚଳର ଆବାସିକ ଅଞ୍ଚଳ ଓ ଅଲଗା ଥିବା ଦୋକାନରେ କେବଳ ଅଣଅତ୍ୟାବଶ୍ୟକ ସାମଗ୍ରୀ ବିକ୍ରି ହେବ

କେଉଁ ଦୋକାନ ଖୋଲିବ ନାହିଁ:

👉ମଲ୍ ଏବଂ ସିନେମା ହଲ୍।

👉ଗୋଟିଏ କମ୍ପ୍ଲେକ୍ସ୍‌ରେ ଗୁଚ୍ଛ ହୋଇ ରହିଥିବା ଅନେକ ଦୋକାନ।

👉ସପିଙ୍ଗ୍ କମ୍ପ୍ଲେକ୍ସ୍, ମଲ୍‌ଟି ବ୍ରାଣ୍ଡ୍ ଏବଂ ସିଙ୍ଗଲ୍ ବ୍ରାଣ୍ଡ୍‌ ମଲ୍, ମଲ୍‌ରେ ଥିବା ବାଟିକ୍।

👉 ମଲ୍‌ ଭିତରେ ଥିବା ବୁଟିକ୍‌

👉ମଦ ଦୋକାନ

ରିପୋର୍ଟ : ସ୍ମୃତିଲିପି ସାହୁ,ରେସିଡେଣ୍ଟ ଏଡିଟର, News Time Pro