କନ୍ଧମାଳ:ସିଲ ହେଲା ଦୁତୀପଡ଼ା ପଞ୍ଚାୟତ

କନ୍ଧମାଳ,୮/୪:(ଏନଟିପି)କନ୍ଧମାଳ ଜିଲ୍ଲା ଖଜୁରିପଡା ବ୍ଲକ ଦୂତିପଡା ପଞ୍ଚାୟତକୁ ମଙ୍ଗଳବାର ସିଲ୍‌ କରାଯାଇଛି। ରାଜ୍ୟରେ ୪୨ ଜଣ କରୋନାରେ ଆକ୍ରାନ୍ତ ହୋଇଥିବାବେଳେ ଜଣଙ୍କ ମୃତ୍ୟୁ ଘଟିଛି। ସବୁଠାରୁ ଅଧିକ ଆକ୍ରାନ୍ତ ହୋଇଛନ୍ତି ଭୁବନେଶ୍ୱରରେ। ଦୂତିପଡା ପଞ୍ଚାୟତ ମାଲଗୁଣ୍ଡି, ଜାମଝରି ଓ ମେକାନି ସାହିର ପ୍ରାୟ ୧୨ଜଣ ଭୁବନେଶ୍ୱର ବମିଖୋଲ ଅଞ୍ଚଳରେ ରହି କାମ କରୁଥିଲେ। ସେମାନେ ନିକଟରେ ଘରକୁ ଫେରିଛନ୍ତି। ଖବର ମିଳିବା ପରେ ସ୍ଥାନୀୟ ପ୍ରଶାସନ ପଞ୍ଚାୟତର ସମସ୍ତ ଗ୍ରାମରେ ଡ଼ାକବାଜି ଯନ୍ତ୍ର ଯୋଗେ ପ୍ରଚାର କରି ଘରୁ ବାହାରକୁ ନ ବାହାରିବାକୁ କହିବା ସହ ଗ୍ରାମଗୁଡିକୁ ସିଲ୍‌ କରିଛନ୍ତି। ଗାଁ ପ୍ରବେଶ ପଥରେ ବ୍ୟାପକ ପୋଲିସ ମୁତୟନ ହୋଇଛନ୍ତି। ଯେଉଁମାନେ ଭୁବନେଶ୍ୱରରୁ ଆସିଛନ୍ତି ସେମାନଙ୍କ ସ୍ବାସ୍ଥ୍ୟ ପରୀକ୍ଷା ସହ ଆଇସୋଲେଶନରେ ରଖାଯାଇଛି ବୋଲି ବିଡିଓ ରବୀନ୍ଦ୍ର ନାଥ କହଁର ପ୍ରତିକ୍ରିୟାରେ ପ୍ରକାଶ କରିଛନ୍ତି।

Share on Facebook

Tweet

Follow us

Save