କରୋନା ପାଇଁ ବର୍ଷକର ବିଧାୟକ ପାଣ୍ଠି ଦାନ କଲେ ବବି

ଯାଜପୁର(ଏନଟିପି)

କରୋନାକୁ ନେଇ ଏବେ ସମସ୍ତେ ଚିନ୍ତାରେ ।କରୋନା ପାଇଁ ପ୍ରଧାନ ମନୀରି ସମଗ୍ର ଦେଶକୁ ୨୧ଦିନ ଯାଏଁ ଲକ ଡାଉନ କରିଲେ।

କରୋନା ଭାଇରସ ଦିନକୁ ଦିନ ନିଜ ଅଦୃଶ୍ୟ କାୟା ବିସ୍ତାର କରିବାରେ ଲାଗିଛି । ବର୍ତ୍ତମାନ ଆମ ରାଜ୍ୟ ସବୁଠୁ ଘଡିଶନ୍ଧି ମୁହୂର୍ତ୍ତ ଦେଇ ଗତି କରୁଛି । ମୁଖ୍ୟମନ୍ତ୍ରୀ କରୋନା ଭାଇରସ ର ପ୍ରଭାବ କମ କରିବାକୁ ବିଭିନ୍ନ ପଦକ୍ଷପ ନେଉଛନ୍ତି । ମୁଖ୍ୟମନ୍ତ୍ରୀ ନିଜର ତିନି ମାସର ଦରମା ମୁଖ୍ୟମନ୍ତ୍ରୀ ରିଲିଫ ପାଣ୍ଠି କୁ ଦାନ କରିବା ସହ ସମସ୍ତ ବିଧାୟକ ଓ ସାଂସଦ ମାନକୁ ମଧ୍ୟ ତିନି ମାସର ଦରମା ଦାନ କରିବାକୁ କହିଥିଲେ । ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) ନିଜର ୩ ମାସର ଦରମା ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଦାନ କରିଥିଲେ । ସେହିପରି କରୋନାର ଭୟବହତାକୁ ଅନୁଭବ କରି ୨୦୨୦-୨୧ ଆର୍ଥିକ ବର୍ଷର ଆଞ୍ଚଳିକ ବିଧାୟକ ପାଣ୍ଠିକୁ କରୋନା ପାଇଁ ବିନିଯୋଗ କରିବାକୁ ଜିଲ୍ଲାପାଳଙ୍କୁ ସମସ୍ତ କ୍ଷମତା ଅର୍ପଣ କରିଥିଲେ ।

ଯାଜପୁର ବିଧାୟକ ବବି ଦାସ ଏକ ଚିଠି ଯୋଗେ ଜିଲ୍ଲାପାଳଙ୍କୁ ୨୦୨୦-୨୧ ଆର୍ଥିକ ବର୍ଷର ଆଞ୍ଚଳିକ ବିଧାୟକ ପାଣ୍ଠିକୁ କରୋନା ପାଇଁ ବିନିଯୋଗ କରିବାକୁ କହିଛନ୍ତି । ବବି ଆହୁରି ମଧ୍ୟ କହିଛନ୍ତି ସମଗ୍ର ରାଜ୍ୟ ପରି ଯାଜପୁର ଜିଲ୍ଲା ମଧ୍ୟ କରୋନା ଭୁତାଣୁ ଠାରୁ ମୁକୁଳିବାକୁ ନିଜ ସଂଗ୍ରାମ ଜାରି ରଖିଛି । ତେଣୁ ଜିଲ୍ଲାରେ କୋରୋନା ଭାଇରସ ସତର୍କତା ଏବଂ ପ୍ରତିରୋଧ ପାଇଁ ଖର୍ଚ୍ଚ କରିବାକୁ ଜିଲ୍ଲାପାଳଙ୍କୁ ଅନୁରୋଧ ମଧ୍ୟ କରିଛନ୍ତି ।

Share on Facebook

Tweet

Follow us

Save