ଲକଡାଉନ ନ ମାନି ବାହାରକୁ ଆସିଥିବା ଯୁବକଙ୍କୁ ‘ମୁଁ ଲୋକଙ୍କ ଶତ୍ରୁ’ ଲେଖା ପ୍ଲାକାର୍ଡ ଧରାଇ ଉଠ ବସ କଲା ପୋଲିସ

ଭୁବନେଶ୍ୱର(ଏନ ଟି ପି):

କମିଶନରେଟ ପୋଲିସ ଆଜି ବିନା କାମରେ ବାହାରକୁ ବାହାରକୁ ଆସିଥିବା ଲୋକଙ୍କୁ ଅଭିନବ ଉପାୟରେ ସଚେତନ କରିଛି। ଭୁବନେଶ୍ୱରର ବିଭିନ୍ନ ସ୍ଥାନରେ ବୁଲି କିଛି ଯୁବକଙ୍କୁ ‘ମୁଁ ଲୋକଙ୍କ ଶତ୍ରୁ’ ଲେଖାଥିବା ପ୍ଲାକାର୍ଡ ଧରାଇ ଲଜ୍ଜିତ କରାଇଛି।

୨୪ତାରିଖ ସକାଳ ଠାରୁ ଆଜି ସକାଳ ମଧ୍ୟରେ ୧୪୯ଜଣ ବିରୋଧରେ ମାମଲା ରୁଜୁ ହୋଇଛି । ଲକ୍‌ ଡାଉନ୍‌ ନିୟମ ଖିଲାପ କରିଥିବାରୁ ୧୩୭ ଜଣ ଓ ହୋମ କ୍ୱାରେଣ୍ଟାଇନ ନିୟମ ଭାଙ୍ଗିଥିବାରୁ ୫ଜଣଙ୍କ ବିରୋଧରେ ମାମଲା ରୁଜୁ ହୋଇଛି । କୋଭିଡ୍‌ 19 ନିୟମାବଳୀ ଉଲଂଘନ ନେଇ ଅନ୍ୟ ୭ଟି ମାମଲା ମଧ୍ୟ ରୁଜୁ ହୋଇଛି ।

ଖବର ଅନୁଯାୟୀ ଜୟଦେବ ବିହାର ଛକ ନିକଟରେ ବୁଧବାର ସନ୍ଧ୍ୟାରେ ପୋଲିସ ଲାଠିଚାର୍ଜ କରିଛି। ବିଜୁପଟ୍ଟନାୟକ କଲେଜ ନିକଟସ୍ଥ ଭଗବତୀ ମନ୍ଦିର ସମ୍ମୁଖରେ ଏହି ଲାଠିଚାର୍ଜ ହୋଇଥିବା ବେଳେ ୫ ଜଣ ଯୁବକଙ୍କୁ ବସ-ଉଠ କରାଯାଇଛି। କାରଣ ହେଲା କରୋନା ଭାଇରସ ପାଇଁ ସମଗ୍ର ଦେଶ ସହିତ ଓଡ଼ିଶାରେ ଲକଡାଉନ ଘୋଷଣା ଥିଲେ ମଧ୍ୟ ସଂପୃକ୍ତ ଯୁବକମାନେ ଅଯଥାରେ ବୁଲାବୁଲି କରୁଥିଲେ।

ସେହିପରି ମନ୍ଦିର ନିକଟରେ ଥିବା ଏକ ଦୋକାନର ମାଲିକ ରାସ୍ତାରେ ଧଳା ରଙ୍ଗରେ ଗୋଲ ଆଙ୍କିଛନ୍ତି। ଏହି ଗୋଲ ଚିତ୍ରଗୁଡ଼ିକ ମଧ୍ୟରେ ନିର୍ଦ୍ଦିଷ୍ଟ ବ୍ୟବଧାନ ରହିଛି। ଏହି ଗୋଲଗୁଡ଼ିକରେ ଗ୍ରାହକମାନେ ଛିଡ଼ା ହୋଇ ଦୋକାନରୁ ଜିନିଷପତ୍ର କିଣିବେ। ଏହିପରି ଭାବରେ ସାମାଜିକ ଦୂରତା ରକ୍ଷା କରିବା ପାଇଁ ସଚେତନ କରାଯାଇଥିବା ଦେଖିବାକୁ ମିଳିଛି।

ରିପୋର୍ଟ : ସ୍ମୃତିଲିପି ସାହୁ,News Time Pro (Resident Editor)

Share on Facebook

Tweet

Follow us

Save