ବିବାହ ପୂର୍ବରୁ ଅଧାରୁ ବରକୁ ଉଠାଇନେଲା ପୋଲିସ

ଆଠଗଡ଼(ଏନ ଟି ପି)

ବାହା ହେବାକୁ ଯାଉଥିବା ବରକୁ ଅଧାରାସ୍ତାରୁ ଉଠାଇ ନେଲା ପୋଲିସ । ଆଠଗଡ଼ ଥାନା ସାପୁଆ ବ୍ରିଜ୍‌ ନିକଟରୁ ଏକ ବୋଲେରୋରେ ସାଧା ପୋଷାକରେ ଆସି ବରକୁ ଉଠାଇ ନେଇଛି ପୋଲିସ । ୨୦୧୮ ମସିହାରେ କଦଳୀବାଡି ହତ୍ୟାକାଣ୍ଡରେ ସଂପୃକ୍ତ ଥିଲା ଏହି ବର।  ୨୦୧୮ରେ ଏକ ହତ୍ୟାମାମଲାରେ ମୁଖ୍ୟ ଅଭିଯୁକ୍ତ ଥିଲା ଅଭିଯୁକ୍ତ ପ୍ରକାଶ ।  ଦୁଇ ବର୍ଷ ହେବ ସେ ପୋଲିସକୁ ଚକ୍‌ମା ଦେଇ ବାହାରେ ବୁଲୁଥିଲା । ଆଜି ବିବାହ କରିବାକୁ ଯାଉଥିବା ଖବର ପାଇ ପୋଲିସ ସାଧା ପୋଷାକରେ ଆସି ତାକୁ ଗିରଫ କରିଥିଲା । ସେପଟେ ବୀର କିଶୋରପୁର ଶିବ ମନ୍ଦିରରେ ବାହାଘର ପାଇଁ ଝିଅ ଘର ପକ୍ଷରୁ ସରିଥିଲା ସମସ୍ତ ପ୍ରସ୍ତୁତି । ଖୁବ୍‌ ଜୋରସୋର୍‌ରେ ଚାଲିଥିଲା ଭୋଜି ରୋଷେଇ । ହେଲେ ଅଧାରାସ୍ତାରୁ ବରକୁ ପୋଲିସ ଉଠାଇନେଇଥିବା ଜାଣିବା ପରେ ଝିଅ ଘର ଲୋକ ଏବେ ଚିନ୍ତାରେ ପଡ଼ିଛନ୍ତି ।

Share on Facebook

Tweet

Follow us

Save