ବିଧାୟକ ବ୍ରଜଙ୍କ ପୈତୃକ ବାସଭବନରେ ଦୁର୍ବୁର୍ତ୍ତ ନିଆଁ ଲଗାଇବାକୁ ଉଦ୍ୟମ

ଅନୁଗୋଳ(ଏନଟିପି):

ଦିନକୁ ଦିନ ତାଳଚେରରେ ବଢିଚାଲିଛି ଟେନସନ।ଲୋକଙ୍କ ନ୍ୟାୟ ପାଇଁ ଖଣିବନ୍ଦ ଆନ୍ଦୋଳନ ପରେ ତାଳଚେର ବନ୍ଦ ।ଯାହାଫଳରେ କୋଟି କୋଟି ଟଙ୍କା ରାଜସ୍ବ ହାନ୍ଯ ହେଉଛି।ଗତ ଦୁଇଦିନ ତଳେ ଖଣିବନ୍ଦ ଆନ୍ଦୋଳନ ସମୟରେ ତାଳଚେର ବିଧାୟକ ଓ ଶତାଧିକ ଗ୍ରାମବାସୀଙ୍କୁ ପୋଲିସ ଅଟକ ରଖି ପରେ ଛାଡି ଦେଇଥିଲେ।ପରେ ଭାଲୁଗାଡ଼ିଆ ଗ୍ରାମବାସୀ ଓ ବିଧାୟକ ଜିଲ୍ଳାପାଳ ଙ୍କ କାର୍ଯ୍ୟାଳୟ ଘେରାଉ କରିଥିଲେ।ତାଳଚେର ବନ୍ଦ ସମୟରେ ବିଭିନ୍ନ କାର୍ଯ୍ୟାଳୟ ଭଙ୍ଗରୁଜ୍ଜା ଅଭିଯୋଗରେ ବିଜେଡି ର ୫ ଜଣଙ୍କୁ ପୋଲିସ ଗିରଫ କରିଛି।ଗତକାଲି ପୋଲିସ ଯୁବ ବିଜେଡ଼ିର ୫ ଜଣଙ୍କୁ ଗିରଫ କରିବା ପରେ ଆଜି ତାଳଚେର ବିଧାୟକ ଙ୍କ ହାଣ୍ଡିଧୂଆଁ ବାସଭବନ ରେ କେହି ଦୁର୍ବୁର୍ତ୍ତ ନିଆଁ ଲଗାଇ ଦେଇଥିବା ଖବର ଆସିଛି।ବିଧାୟକ ବ୍ରଜ କିଶୋର ପ୍ରଧାନଙ୍କ ବାସଭବନରେ ଦୁର୍ବୃତ୍ତ ମାନେ ନିଆଁ ଲଗାଇଥିବା ଅଭିଯୋଗ ହୋଇଛି । ଏ ନେଇ ବିଧାୟକଙ୍କ ଭାଇ ରାଜ କିଶୋର ପ୍ରଧାନ ଥାନାରେ ଲିଖିତ ଅଭିଯୋଗ କରିଛନ୍ତି । ରାଜ କିଶୋର ପ୍ରଧାନଙ୍କ ଅଭିଯୋଗ ଅନୁଯାୟୀ ବିଳମ୍ବିତ ରାତିରେ ଦୁର୍ବୃତ୍ତମାନେ ବ୍ରଜ କିଶୋର ପ୍ରଧାନଙ୍କ ହାଣ୍ଡିଧୂଆଁସ୍ଥିତ ପୈତୃକ ବାସଭବନ ଆସି ତାଙ୍କ ବାପା ଶୋଇଥିବା ବଖରାର ଝରକାରେ ଟାୟାର ଓ କିରୋସିନ ଢାଳି ନିଆଁ ଲଗାଇ ଦେଇଥିଲେ । ତେବେ ସୌଭାଗ୍ୟ ବଶତଃ ଟାୟାରଟି ପଡି ଯିବାରୁ ଝରକାଟିରେ ନିଆଁ ଲାଗି ପାରି ନଥିଲା । ଏବଂ ଏକ ବଡ଼ ଧରଣର ଅଗ୍ନିକାଣ୍ଡ ଓ ଅଘଟଣରୁ ତାଙ୍କ ବାପା ରକ୍ଷା ପାଇ ଯାଇଥିଲେ । ଏ ନେଇ ସେ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାର ତଦନ୍ତ କରୁଛି । ତେବେ ରାଜନୈତିକ ଶତ୍ରୁତା କିମ୍ବା କୋଇଲା ମାଫିଆ ମାନେ ଉଦ୍ୟେଶ ମୂଳକ ଭାବେ ଏଭଳି କାଣ୍ଡ ଭିଆଇଥିବା ସନ୍ଦେହ କରାଯାଉଛି । ପୂର୍ବରୁ ବିଧାୟକ ବ୍ରଜ କିଶୋର ପ୍ରଧାନଙ୍କ ଭୁବନେଶ୍ୱରସ୍ଥିତ ବାସ ଭବନରେ ମଧ୍ୟ ଦୁର୍ବୃତ୍ତ ମାନେ ନିଆଁ ଲଗାଇ ଦେଇଥିଲେ । ଯେଉଁଥିରେ ତାଙ୍କର ଦୁଇଟି କାର ଏବଂ ଗୋଟିଏ ମୋଟରସାଇକେଲ ସମେତ କିଛି ଆସବାବପତ୍ର ପୋଡି ଯାଇଥିଲା ।ଏଠି ପ୍ରଶ୍ନ ଉଠୁଛି କାହିଁକି ତାଳଚେର ବିଧାୟକ ଙ୍କ ବାସ ଭବନ ରେ କିଏ କାହିଁକି ଲଗାଉଛି ନିଆଁ।ବିଧାୟକ ଙ୍କ ଜୀବନ ପ୍ରତି ରହିଛି କି ବିପଦ।ବିଧାୟକ ଙ୍କ ଭୁବନେଶ୍ୱର କ୍ୱାଟର ରେ ଦୁର୍ବୁର୍ତ୍ତ ନିଆଁ ଲଗାଇବା ଘଟଣା ୪ ମାସ ବିତିଯାଇଥିଲେ ମଧ୍ୟ ପୋଲିସ ଏଯାଏଁ ଦୁର୍ବୁର୍ତ୍ତ ଙ୍କୁ ଠାବ କରିପାରିନଥିବା ବେଳେ ଆଜି ପୁଣି ବିଧାୟକ ଙ୍କ ବାସଭବନରେ ନିଆଁ ଲଗାଇବାକୁ ଉଦ୍ୟମ ଘଟଣା ପୋଲିସ ର କାର୍ଯ୍ୟକାରୀତାକୁ ନେଇ ଉଠାଇଛି ପ୍ରଶ୍ନ ।କିଏ କାହିଁକି ବିଧାୟକ ଙ୍କ କ୍ୱାର୍ଟର ରେ ନିଆଁ ଲଗାଇବାକୁ ଉଦ୍ୟମ କଲା।ଏହା ପଛରେ କାହାର ଅଦୃଶ୍ୟ ଶକ୍ତି କାମ କରୁଛି।ପୋଲସ ର ତଦନ୍ତର ଦିଗ କଣ କହୁଛି ଏ ତମାମ ପ୍ରସଙ୍ଗ ଏକ ବଡ ପ୍ରଶ୍ନ ବାଚି ଛିଡା କରୁଛି।

Share on Facebook

Tweet

Follow us

Save