ବିଜେପୁର ବାଜି ମାରିନେଲେ ରିତା ସାହୁ

ବିଜେପୁର(ଏନଟିପି):

ବିଜେପୁର ବାଜି ମାରିନେଲେ ରିତା ସାହୁ। ଆଜି ବିଜେପୁର ଉପନିର୍ବାଚନ ଫଳାଫଳ ପାଇଁ କଡ଼ା ସୁରକ୍ଷା ମଧ୍ୟରେ  ଭୋଟ ଗଣତି ହୋଇଥିଲା । ସମସ୍ତଙ୍କ ନଜର ରହିଥିଲା ଫଳାଫଳ ଉପରେ । ଭୋଟ ଗଣତିର ୨୧ ରାଉଣ୍ଡ ଶେଷ ସୁଦ୍ଧା ବିଜୁ ଜନତା ଦଳର ପ୍ରାର୍ଥୀ ରୀତା ସାହୁ  ୧୩୫୯୪୯ ଖଣ୍ଡ ଭୋଟ ପାଇ ଆଗୁଆ ରହିଛନ୍ତି । ବର୍ତ୍ତମାନ ସୁଦ୍ଧା ତାଙ୍କ ପଲ୍ଲା ଭାରି ରହିଛି । ବିଜେଡି ପ୍ରାଥୀ ରୀତା ସାହୁ ତାଙ୍କ ନିକଟତମ ପ୍ରତିଦ୍ୱନ୍ଦୀଙ୍କ ଠାରୁ ୯୭୯୯୪ ଖଣ୍ଡ ଭୋଟରେ ଅଧିକ ରହି ବିଜେପି ପ୍ରାର୍ଥୀ ସନତ ଗଡ଼ତିଆଙ୍କୁ ବର୍ତ୍ତମାନ ସୁଦ୍ଧା ପଛରେ ପକାଇଛନ୍ତି । ସନତ ଗଡ଼ତିଆ ୩୭୯୫୫ ଭୋଟ ପାଇଥିବା ବେଳେ କଂଗ୍ରେସର ଦିଲ୍ଲୀପ ପଣ୍ଡା ୫୮୭୧ ଟି ଭୋଟ ପାଇଛନ୍ତି । ବତ୍ତର୍ମାନ ମଧ୍ୟ ଭୋଟ ଗଣତି ଜାରି ରହିଛି । ବର୍ତ୍ତମାନ ସୁଦ୍ଧା ହୋଇଥିବା ୨୧ ଟି ରାଉଣ୍ଡ ସୁଦ୍ଧା ଭୋଟ ଗଣତିକୁ ନେଇ ଦେଖିବାକୁ ଗଲେ ବିଜେଡି ପ୍ରାର୍ଥୀ ରୀତା ସାହୁ ସନତ ଗଡ଼ତିଆଙ୍କ ଠାରୁ ୯୭୯୯୪ ଖଣ୍ଡ ଭୋଟରେ ଆଗୁଆ ରହିଛନ୍ତି ।ଭୋଟ ଗଣତିକୁ ଦେଖି ରିତା ସାହୁ ଏହି ଅସନକୁ ବାଜି ମାରିନେବେ ବୋଲି ଆଶଙ୍କା କରାଯାଉଛି ।ଗତ ନିର୍ବାଚନରେ ନବୀନଙ୍କ ଠାରୁ ମଧ୍ୟ ଅଧିକ ଭୋଟ ସହ ବିଜେଡିର ଖଣ୍ଡପଡା ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ ଙ୍କ ଠାରୁ ମଧ୍ୟ ଅଧିକ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି ରୀତା ସାହୁ।

Share on Facebook

Tweet

Follow us

Save