ଭାରତକୁ ଫ୍ରାନ୍ସର ସମର୍ଥନ , ଜୈସ ଆତଙ୍କୀ ମାସୁଦ ଉପରେ ଲାଗିବ ପ୍ରତିବନ୍ଧକ

ଏନଟିପି (ବ୍ୟୁରୋ):

ପୁଲଓ୍ଵାମା ଆତଙ୍କବାଦୀ ଆକ୍ରମଣ ପରେ କୁଟନୈତିକ ସ୍ତରରେ ଭାରତକୁ ବଡ଼ ସମର୍ଥନ ମିଳିଛି। ଜୈସ୍‌-ଏ-ମହମ୍ମଦ ଆତଙ୍କବାଦୀ ସଂଗଠନ ମୁଖ୍ୟ ମାସୁଦ ଆଝାର ଉପରେ ପୂର୍ଣ୍ଣ ପ୍ରତିବନ୍ଧକ ଲଗାଇବାକୁ ଜାତିସଂଘରେ ପ୍ରସ୍ତାବ ଆଣିବ ଫ୍ରାନ୍ସ । ପୁଲଓ୍ଵାମା ହମ୍‌ଲା ପାଇଁ ନିଜକୁ ଦାୟୀ କରିଥିଲା ଜୈସ-ଏ-ମହମ୍ମଦ । ମିଳିଥିବା ସୂଚନା ଅନୁସାରେ ଆସନ୍ତା ଦିନେ ଦୁଇ ଦିନ ଭିତରେ ଏସମ୍ପର୍କିତ ପ୍ରସ୍ତାବ ଉପସ୍ଥାପନ କରିବ ଫ୍ରାନ୍ସ ବୋଲି ଜଣାପଡିଛି । ଯେଉଁଥିରେ ମାସୁଦ ଆଝାରକୁ ଆତଙ୍କବାଦୀ ତାଲିକାଭୁକ୍ତ କରିବାକୁ ଦାବି କରାଯିବ । ଦ୍ୱିତୀୟ ଥର ପାଇଁ ଜୈସ୍‌-ଏ-ମହମ୍ମଦ ବିରୋଧରେ ଏଭଳି ପ୍ରସ୍ତାବ ଆସିବ । ୨୦୧୭ରେ ଆମେରିକା ବିଟ୍ରେନ୍‌ ସମର୍ଥନରେ ଜାତିସଂଘର ସେକ୍ସନ କମିଟି ୧୨୬୭ ଅନୁସାରେ ପାକିସ୍ତାନୀ ଆତଙ୍କୀ ସଂଗଠନ ଉପରେ ପ୍ରତିବନ୍ଧ ଲଗାଇବାକୁ ଦାବି ଉଠାଇଥିଲା । ସେହି ପ୍ରସ୍ତାବ ଉପରେ ରୋକ ଲଗାଇଥିଲା ଚୀନ । ପୁଲଓ୍ଵାମା ଆତଙ୍କବାଦୀ ଆକ୍ରମଣ ପରେ ପାକିସ୍ତାନକୁ ଏକଘରିଆ କରିବାକୁ ପଦକ୍ଷେପ ନେବା ଆରମ୍ଭ କରିଛନ୍ତି କେନ୍ଦ୍ର ସରକାର । ମୋଷ୍ଟ ଫେଭର୍ଡ ନେସନ୍‌ ମାନ୍ୟତା ପ୍ରତ୍ୟାହାର ସହ ସାମୀ ଶୁଳ୍କ ଦୁଇ ଶହ ଟଙ୍କାକୁ ବୃଦ୍ଧି କରାଯାଇଛି । ୨୫ରୁ ଅଧିକ ରାଷ୍ଟ୍ର ସହ ଆଲୋଚନା ବି କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।ସେପଟେ ଏହି ହମଲା ପଛରେ ପାକିସ୍ତାନ ର ହାତ ନଥିବା କଥା କହୁଛନ୍ତି ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନ।ଆଲୋଚନା ମାଧ୍ୟମରେ ସମାଧାନ କରିବା କଥା ମଧ୍ୟ କହିଛନ୍ତି ଇମ୍ରାନ।

Share on Facebook

Tweet

Follow us

Save