ଭୁବନେଶ୍ୱର(ଏନଟିପି)
ଭୁବନେଶ୍ୱରରେ ଆୟୋଜିତ ହୋଇଛି ବିଜେପି ‘ପ୍ରତିଶୃତି ସମାବେଶ।ଏହି ସମାବେଶରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ’ଯୋଗଦେଇଥିଲେ।ବିଜେପି ପାର୍ଟି ତରଫରୁ ସ୍ଥାୟୀ ପଟ୍ଟା ସହ ପକ୍କାଘର ଓ ରୋଜଗାର-ସ୍ୱରୋଜଗାର ପ୍ରତିଶୃତି ପତ୍ର ଓଡିଶାର ଜନସାଧାରଣଙ୍କ ସାମ୍ନାରେ ଉପସ୍ଥାପନ ମଧ୍ୟ କରଥିଲେ ।ଏହି ଅଭିଯାନ ଆଗାମୀ ୩ ମାସରେ ଓଡ଼ିଶାର ୫୦ ହଜାର ଗାଁରେ ପହଞ୍ଚିବ। ଏହା ଦ୍ୱାରା ନୂଆ ଓଡ଼ିଶା ଓ ନୂଆ ଭାରତର କଳ୍ପନା ସାକାର ହେବ ବୋଲି କହିଛନ୍ତି ଧର୍ମେନ୍ଦ୍ର।
ପାନୀୟ ଜଳ ଯୋଗାଣ ଓ ପକ୍କା ଘର ନେଇ ରାଜ୍ୟ ସରକାରଙ୍କୁ ଟାର୍ଗେଟ କଲେ ଧର୍ମେନ୍ଦ୍ର :
ଓଡିଶାରେ ସରକାରଙ୍କର ଏବେ ପାନୀୟ ଜଳ ବିଭାଗରୁ ତଥ୍ୟ ଆସିଛି ଯେ ଓଡିଶାରେ ୧ କୋଟି ୧୦ ଲକ୍ଷ ଘର ପରିବାର ଅଛି। ତେବେ ୨୮ ଡିସେମ୍ବର ୨୦୧୮ ମସିହାରେ ରାଜ୍ୟ ସରକାରଙ୍କୁ ଦିଆଯାଇଥିବା ତଥ୍ୟନୁସାରେ ୨୭ ଲକ୍ଷ ୪୮ ହଜାର ପରିବାରଙ୍କ ମୁଣ୍ଡ ଉପରେ ଛାତ ନାହିଁ । ଆଜି ମଧ୍ୟ ୨୦-୨୫ ଲକ୍ଷ ଲୋକଙ୍କର ଘରଡିହ, ପଟ୍ଟା ନାହିଁ । ନବୀନ ସରକାରଙ୍କ ୧୯ ବର୍ଷରେ ୨୦ ଲକ୍ଷ ଲୋକଙ୍କ ପଟ୍ଟା ନାହିଁ । ପାଖାପାଖି ୩୦ ଲକ୍ଷ ଲୋକଙ୍କ ମୁଣ୍ଡ ଉପରେ ଛାତ ନାହିଁ । ରାଜ୍ୟ ସରକାର ଜାଗା ଯୋଜନା ଆରମ୍ଭ କରି ଏହାକୁ ପୃଥିବୀର ସବୁଠୁ ବଡ ବୋଲି କହିଲେ । ଏଯାଏ ଲୋକଙ୍କୁ ଜାଗା ଯୋଜନାରେ ପଟ୍ଟା ମିଳିନାହିଁ ।୨୦୧୪ ମସିହାରେ ବିଜୁ ଜନତା ଦଳର ଘୋଷଣା ପତ୍ରରେ ଉଲ୍ଲେଖ କରାଯାଇଛି “ସଭିଙ୍କ ପାଇଁ ଘର,ଗରିବଙ୍କ ସ୍ୱପ୍ନ ହେବ ସାକାର” । ସବୁ ଗରିବଙ୍କୁ ମୁଣ୍ଡ ଗୁଞ୍ଜିବା ପାଇଁ ପକ୍କା ଘର ଦେବୁ ବୋଲି ନବୀନ ପଟ୍ଟନାୟକ ଓ ବିଜେଡି ଦଳର ବନ୍ଧୁମାନେ କହିଥିଲେ । ମାତ୍ର ୨୦୧୯ ବର୍ଷ ପୁରିବାକୁ ଥିଲା ବେଳେ ଓଡିଶାରେ ପାଖାପାଖି ୩୦ ଲକ୍ଷ ଲୋକଙ୍କ ମୁଣ୍ଡ ଉପରେ ପକ୍କା ଘର ନାହିଁ । ୨୦ ଲକ୍ଷଙ୍କ ପାଖରେ ପଟ୍ଟା ନାହିଁ ।ବିଧାନସଭାରେ ରାଜ୍ୟ ସରକାର ଦେଇଥିବା ତଥ୍ୟରୁ ଏହା ଜଣାପଡିଛି ।
