‘ପିଏମ କିଷାନରେ’ ଚାଷୀଙ୍କୁ ୬୦୦୦ ନୁହଁ ୧୨୦୦୦ ମିଳିବ…

ନୂଆଦିଲ୍ଲୀ (ଏନ ଟି ପି)

ଫେବୃୟାରୀ ୧ ଥିଲା ମୋଦି ସରକାର ପାଇଁ ଏସିଡ଼ ଟେଷ୍ଟ । ଟେଷ୍ଟରେ ମୋଦି ସରକାର ପାସ ହୋଇଗଲେ ବୋଲି ଦମ୍ଭ ଦେଖାଉଥିବା ବେଳେ ବିରୋଧୀ ସରକରାଙ୍କୁ ସମାଲୋଚନା କରିଛନ୍ତି । ୨୦୧୯ ବଜେଟରେ ସରକାର ଚାଷୀଙ୍କ ପାଇଁ ‘ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି’ ଯୋଜନା ଘୋଷଣା କରିଥିଲେ । ଯେଉଁଥିରେ ଅନୁନ୍ୟ ୨ ହେକ୍ଟର ଜମିଥିବା ଚାଷୀଙ୍କୁ ବର୍ଷକୁ ୬୦୦୦ ଟଙ୍କା ଆର୍ଥିକ ରାଶି ଯୋଗେଇ ଦେବାକୁ ଘୋଷଣା ହୋଇଥିଲା । ତେବେ ଚାଷୀଙ୍କୁ ବାର୍ଷିକ ଛଅ ହଜାର ଅତି କମ୍ ବୋଲି ବିରୋଧୀ ଅଭିଯୋଗ ଆଣିଛନ୍ତି । କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ ଚାଷୀଙ୍କ ସହାୟତା ରାଶି ଆଗକୁ ବଢ଼ିବ ବୋଲି ସୂଚନା ଦେଇଛନ୍ତି । ସରକାରଙ୍କ ଆର୍ଥିକ ମାନଦଣ୍ଡ ବଢ଼ିଲେ ଚାଷୀଙ୍କ ସହାୟତା ରାଶି ମଧ୍ୟ ଆଗକୁ ବଢିବ ବୋଲି କହିଛନ୍ତି । ‘ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି’ ଯୋଜନାରେ ଚାଷୀଙ୍କୁ ବାର୍ଷିକ ୬୦୦୦ ଅର୍ଥାତ ମାସକୁ ୫୦୦ଟଙ୍କା ମିଳିବ ବୋଲି ଘୋଷଣା ହୋଇଥିଲା । ଏହି ରାଶିକୁ ଦ୍ବିଗୁଣିତ କରାଯାଇ ଆଗକୁ ବାର୍ଷିକ ୧୨,୦୦୦ ଟଙ୍କା ପ୍ରଦାନ କରାଯିବ ବୋଲି ଆଶ୍ୱସନା ଦେଇଛନ୍ତି ।ଏତଦବ୍ୟତୀତ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ କଟାକ୍ଷ କରି କଂଗ୍ରେସ ସରକାର ତାଙ୍କ ଶାସନ କାଳରେ ଚାଷୀଙ୍କ ପାଇଁ କ’ଣ କରିଥିଲେ ବୋଲି ମଧ୍ୟ ପଲଟା ତୀର ମାରିଛନ୍ତି

Share on Facebook

Tweet

Follow us

Save