ଭୁବନେଶ୍ୱର(ଏନଟିପି):
ଦୁଇଟି ଗୁରୁତ୍ୱପୂର୍ଣ୍ଣ ଘୋଷଣା କରିଥିଲେ କିଟ୍ ଓ କିସ୍ ର ପ୍ରତିଷ୍ଠାତା ଡ. ଅଚ୍ୟୁତ କୁମାର ସାମନ୍ତ I ପ୍ରଥମଟି ହେଲା କରୋନାରେ ଆକ୍ରାନ୍ତ ବିପିଏଲ ବର୍ଗର ପିଲାଙ୍କୁ କିଟରେ ମାଗଣା ପାଠ ପଢାଇବେ ଏବଂ ଅନ୍ଯଟି ହେଲା ଗରୀବ ମେଧାବୀ ଛାତ୍ର ଛାତ୍ରୀଙ୍କୁ ବିନା ମୂଲ୍ୟରେ ପାଠ ପଢାଇବେ । ତାହା ସେ ଅକ୍ଷରେ ଅକ୍ଷରେ ପାଳନ କରିଛନ୍ତି Iନିଷ୍ପତ୍ତି ଅନୁସାରେ କିସରେ ପଢ଼ିବେ କନ୍ଧମାଳ ଜିଲ୍ଲାର ମାଟ୍ରିକ ଟପ୍ପର ମୀନାକ୍ଷୀ ମଲ୍ଲିକ I ସେ ମାଟ୍ରିକ ପରୀକ୍ଷାରେ ସର୍ବାଧିକ 92.6 ପ୍ରତିଶତ ନମ୍ବର ରଖି କନ୍ଧମାଳ ଜିଲ୍ଲା ଟପ୍ପର ହୋଇଛନ୍ତି ।କନ୍ଧମାଳ ଜିଲ୍ଲାର ତୁମୁଡ଼ିବନ୍ଧ ସରକାରୀ ଅନୁସୂଚୀତ ଜାତି ଓ ଜନଜାତି ବାଳିକା ବିଦାଳୟର ଛାତ୍ରୀ ମୀନାକ୍ଷୀଙ୍କ ସଫଳତାର ଖବର ଜାଣିବା ପରେ କିଟ ଓ କିସ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଅଚ୍ୟୁତ ସାମନ୍ତ ମୀନାକ୍ଷୀଙ୍କୁ ଶୁଭେଚ୍ଛା ଜଣାଇଛନ୍ତି ।ଝିଅର ସଫଳତା ପାଇଁ ପିତା ରାଜୀବ ଲୋଚନ ମଲ୍ଲିକ ଏବଂ ମାତା ନିଳନ୍ତି ମଲ୍ଲିକଙ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି ଶ୍ରୀ ସାମନ୍ତ ।
