କରୋନା ସଚେତନତା ପାଇଁ କିଟ୍‌ର ୫ ହଜାର ନନ ଟିଚିଂ କର୍ମଚାରୀଙ୍କୁ ଦିଆଗଲା ଛୁଟି

ଭୁବନେଶ୍ୱର(ଏନ ଟି ପି):

କରୋନା ସଚେତନତା ପାଇଁ କିଟ୍‌ର ୫ ହଜାର ନନ ଟିଚିଂ କର୍ମଚାରୀଙ୍କୁ ଦିଆଗଲା ଛୁଟି।ପ୍ରତି ଜିଲ୍ଲାରେ କରିବେ ସଚେତନ ।କରୋନା ପାଇଁ ସଚେତନତା ସୃଷ୍ଟି କରିବା ଦିଗରେ ଆଉ ଗୋଟିଏ ପାଦ ରେ କିଟ ଓ କିସ ପ୍ରତିଷ୍ଠାତା ଅଚ୍ୟୁତ ସାମନ୍ତ।

କିଟ୍‌ ଓ କିସ୍‌ ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତଙ୍କ ଉଦ୍ୟମ କ୍ରମେ କରୋନା ପ୍ରତି ସମଗ୍ର ରାଜ୍ୟରେ ସଚେତନତା ସୃଷ୍ଟି କରାଯାଇଛି। ଏଥିପାଇଁ କିଟ୍‌ର ୫ ହଜାର ଅଣଶିକ୍ଷକ କର୍ମଚାରୀଙ୍କୁ ସବୈତନିକ ଛୁଟି ଦିଆଯାଇ ନିଜ ନିଜ ଅଞ୍ଚଳରେ ସଚେତନତା ସୃଷ୍ଟି କରିବା ପାଇଁ ନିର୍ଦ୍ଦେଶ ଦିଆଯାଇଛି। ସେମାନେ ନିଜ ବ୍ଲକ ଓ ପଞ୍ଚାୟତ ତଥା ଗାଁରେ ଲୋକମାନଙ୍କୁ କରୋନା ସଂପର୍କରେ ସଚେତନ ହେବାକୁ ପରାମର୍ଶ ଦେବେ। ସେହିପରି କିଟ୍‌ ଓ କିସ୍‌ର ୧୫ ହଜାର ସ୍ନାତକ ଓ ଅନ୍ୟ ବରିଷ୍ଠ ଛାତ୍ରଛାତ୍ରୀଙ୍କୁ ମଧ୍ୟ ନିଜ ନିଜ ଗ୍ରାମ, ଜନଜାତି ସଂପ୍ରଦାୟ , ପଞ୍ଚାୟତ ଓ ବ୍ଲକରେ କରୋନା ସଂପର୍କରେ ସଚେତନତା ସୃଷ୍ଟି କରିବା ପାଇଁ କୁହାଯାଇଛି।

କିଟ୍‌ର କର୍ମଚାରୀ ଏବଂ କିସ୍‌ର ଛାତ୍ରଛାତ୍ରୀମାନେ ନିଜ ନିଜ ବ୍ଲକ ଓ ପଞ୍ଚାୟତରେ ପ୍ରଶିକ୍ଷଣ ଓ ଲୋକଙ୍କ ମଧ୍ୟରେ କରୋନା ସଚେତନତା ବାର୍ତ୍ତା କିଭଳି ଠିକ୍‌ ଭାବେ ପହଞ୍ଚିପାରିବ ସେଥିପାଇଁ କାର୍ଯ୍ୟରେ ଲାଗିଛନ୍ତି। ଡକ୍ଟର ଅଚ୍ୟୁତ ସାମନ୍ତ କହିଛନ୍ତି ବର୍ତ୍ତମାନ ସମୟରେ କରୋନାର ମୁକାବିଲା ପାଇଁ ତୃଣମୂଳସ୍ତରରେ ସ୍ଥାନୀୟ ଲୋକ ଓ ସମୁଦାୟ ମଧ୍ୟରେ ସଚେତନତା ସୃଷ୍ଟି କରାଇବା ସବୁଠାରୁ ଗୁରୁତ୍ୱପୂର୍ଣ୍ଣ। ଏ ଦିଗରେ ସଚେତନତା ସୃଷ୍ଟି କରିବା ଆବଶ୍ୟକ। ଏହା ସହିତ ଓଡିଶାର ୩୦ଟି ଜିଲ୍ଲାରେ ଥିବା କିସ୍‌ର ଜିଲ୍ଲା ସଂଯୋଜକ ଏହି କାର୍ଯ୍ୟରେ ନିୟୋଜିତ ରହିଛନ୍ତି ବୋଲି କହିଛନ୍ତି କିଟ ଓ କିସ ର ପ୍ରତିଷ୍ଟାତା।ଶ୍ରୀ ସମଣ୍ତ କହିଛନ୍ତି ଏ ସମୟରେ ସମସ୍ତେ ସଚେତନ ହେବା ସହ କରୋନାକୁ ନିଜ ଠାରୁ ଦୁରରେ ରଖିବା।

Share on Facebook

Tweet

Follow us

Save