ଅନୁଗୋଳ କପ ୨୦-୨୦ , ବାଜି ମାରିଲା ଓଡିଶା ପୋଷ୍ଟାଲ

ଅନୁଗୋଳ (ଏନ ଟି ପି)

ଅନୁଗୋଳ କଦମ ପଡିଆ ଠାରେ ଗତ ୧୨ ତାରିଖରୁ ଚାଲିଥିବା ଜାତୀୟ ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ଅନୁଗୋଳ କପ ୨୦-୨୦ ଉଦଯାପିତ ହୋଇ ଯାଇଛି । ଏହି ଟୁର୍ଣ୍ଣାମେଣ୍ଟରେ ଆସାନସୋଲ ରେଲୱେ , କରିମ ସ୍ପୋର୍ଟ୍ସ ନାଗପୁର , ଛତିଶଗଡ ଫରେଷ୍ଟ , ଓଡିଶା ପୋଷ୍ଟାଲ ,ରାଇଜିଙ୍ଗ ଷ୍ଟୁଡେଣ୍ଟ , RYCC ରାଉରକେଲା , ପ୍ରଗତି ସ୍ପୋର୍ଟିଂ, ଅନୁଗୋଳ କ୍ରିକେଟ କ୍ଲବ ଆଦି ଭାଗ ନେଇଥିଲେ । ନକଆଉଟ ପର୍ଯ୍ୟାୟରେ ହୋଇଥିବା ଏହି ଖେଳରେ ରାଇଜିଙ୍ଗ ଷ୍ଟୁଡେଣ୍ଟସ ଓ ଓଡିଶା ପୋଷ୍ଟାଲ ଫାଇନାଲରେ ପହଞ୍ଚିଥିଲେ । ୧୫ ତାରିଖ ଅନୁଷ୍ଠିତ ଫାଇନାଲ ମ୍ୟାଚରେ ଓଡିଶା ପୋଷ୍ଟାଲ ଟସ ଜିତିବା ସହ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୭ଟି ୱିକେଟ ହରାଇ ୧୭୮ ରନ ସଂଗ୍ରହ କରିଥିଲା । ଦଳ ପକ୍ଷରୁ ଅଲରାଉଣ୍ଡର ଆଲୋକ ସାହୁ ସର୍ବାଧିକ ୫୬ ରନ ଓ ଅନୁରାଗ ଷଡଙ୍ଗୀ ୩୨ ରନ କରି ଦଳ ପାଇଁ ଏକ ସୁଦୃଢ ସ୍ଥିତିରେ ପହଞ୍ଚାଇଥିଲେ । ଜବାବରେ ରାଇଜିଙ୍ଗ ଷ୍ଟୁଡେଣ୍ଟସ , କଟକ ଦଳ ୨୦ ଓଭରରେ ସମସ୍ତ ୱିକେଟ ହରାଇ ୧୭୦ ରନ କରିବାକୁ ସକ୍ଷମ ହୋଇଥିଲେ । ଦଳ ପକ୍ଷରୁ ବ୍ୟାଟସମ୍ୟାନ ରାହୁଲ ସିଂ ସର୍ବାଧିକ ୯୩ ରନ କରିବାକୁ ସକ୍ଷମ ହୋଇଥିଲେ ମଧ୍ୟ ଦଳକୁ ଜିତାଇ ପାରି ନଥିଲେ । ୮ ରନରେ ଦଳକୁ ପରାଜିତ ହେବାକୁ ପଡିଥିଲା । ଫାଇନାଲ ମ୍ୟାଚରେ ଓଡିଶା କ୍ରିକେଟ ଆସୋସିଏସନର ଆମ୍ପାୟାର ସରୋଜା ସାହୁ ଓ ମହେଶ ମୁନସି ଖେଳ ପରିଚାଳନା କରିଥିବା ବେଳେ ନିକ୍ସନ ସାହୁ ସ୍କୋରର ଦାୟିତ୍ଵ ତୁଲାଇଥିଲେ । ଫାଇନାଲ ମ୍ୟାଚର ଉଦଜାପନୀ ଉତ୍ସବରେ ଯୋଗଗୁରୁ ଅଭୟ ରାୟ , ବରିଷ୍ଠ ଆଇନଜୀବୀ ଭୁପେଶ ପ୍ରଧାନ ଆଦି ଅତିଥିଭାବେ ଯୋଗ ଦେଇ ଖେଳାଳି ମାନଙ୍କୁ ପୁରସ୍କୃତ କରିଥିଲେ । ଚମ୍ପିୟାନ ଦଳକୁ ଟ୍ରଫି ସହ ୮୦ ହଜାର ଟଙ୍କା , ରନର୍ସଅପ ଦଳକୁ ଟ୍ରଫିଆ ସହ ୬୦ ହଜାର ଟଙ୍କା ପ୍ରଦାନ କରା ଯାଇଥିଲା । ଏହା ସହ ଏହି ଟୁର୍ଣ୍ଣାମେଣ୍ଟରେ ବେଷ୍ଟ ବ୍ୟାଟସମ୍ୟାନ ଭାବେ ରାହୁଲ ସିଂ ,ବେଷ୍ଟ ବୋଲର ଭାବେ ପୋଷ୍ଟାଲ ଦଳର ପ୍ରୀତମଜିତ ଦାସଙ୍କୁ ପୁରସ୍କୃତ କରା ଯାଇଥିଲା । ବିଜେପିର ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ଅନୁଗୋଳ କ୍ରିକେଟ କ୍ଲବର ମୁଖ୍ୟ କର୍ତ୍ତା ପ୍ରତାପ ପ୍ରଧାନ ଓ ଅନୁଗୋଳ କ୍ରିକେଟ କ୍ଳବର ସଭାପତି ବିରେନ ସାହୁ ,ସମ୍ପାଦକ ସମରେନ୍ଦ୍ର ସ୍ୱାଇଁ , ସାଗର ମିଶ୍ର , ରଞ୍ଜନ ଧୀର ସାମନ୍ତ , କୋଷାଧ୍ୟକ୍ଷ ପ୍ରାଭାତ ସିହ୍ନା , ଉପ-ସଭାପତି ଗଙ୍ଗାଧର ପଟନାୟକ ପ୍ରମୁଖ ଏହି ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ ।

ଅନୁଗୋଳରେ ବହୁ ବର୍ଷ ପରେ ଜାତୀୟ ସ୍ତରୀୟ କ୍ରିକେଟ କପ ଖେଳ ହେବା ନେଇ ଅନୁଗୋଳ ବାସୀ ଭରପୁର ଉପଭୋଗ କରିବା ସହ କ୍ରିକେଟ ପ୍ରେମୀ ମାନଙ୍କ ମଧ୍ୟରେ ଉତ୍କଣ୍ଠା ଭରି ରହିଥିଲା।

Share on Facebook

Tweet

Follow us

Save