ବିଜେଡିର ମଙ୍ଗ ଧରିଲେ ନବୀନ

ଭୁବନେଶ୍ୱର(ଏନଟିପି):

ଓଡ଼ିଶାର ସାଢ଼େ ଚାରିକୋଟି ଜନସାଧାରଣଙ୍କୁ ଦୀର୍ଘ ୨୩ ବର୍ଷ ଧରି କ୍ରମାଗତ ଭାବେ ଏକ ସ୍ବଛ, ନିଷ୍କଳଙ୍କ, ସକରାତ୍ମକ, ଉଦାର, ଜନବାଦୀ, ଦୂରଦର୍ଶୀ ତଥା ବରିଷ୍ଟ ନେତୃତ୍ବ ଦେବା ସହ ସମୃଦ୍ଧ ଓଡ଼ିଆ ଅସ୍ମିତାକୁ ବିଶ୍ବଦରବାରରେ ପ୍ରତିଷ୍ଠିତ କରିବା ନିମନ୍ତେ ଆପଣଙ୍କ ନିଷ୍ଠା ଓ ପରାକାଷ୍ଠା ଅତୁଳନୀୟ।କ୍ରମାଗତ ଅଷ୍ଟମଥର ଲାଗି ବିଜେଡ଼ି ସଭାପତି ଭାବେ ନିର୍ଦ୍ବନ୍ଦରେ ନିର୍ବାଚିତହୋଇଥିବା ଓଡ଼ିଶା ଇତିହାସର ସର୍ବପ୍ରିୟ ତଥା ଅପ୍ରତିଦ୍ବନ୍ଦି ନେତା, ବିକାଶ ପୁରୁଷ ମାନ୍ୟବର ନବୀନ ପଟ୍ଟନାୟକଜୀଙ୍କ ଅଜସ୍ର ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି।

ପୁଣି ବିଜେଡିର ମଙ୍ଗ ଧରିଲେ ନବୀନ।ଅଷ୍ଟମ ଥର ବିଜେଡି ମଙ୍ଗ ଧରିଲେ ନବୀନ ପଟ୍ଟନାୟକ । ସଭାପତି ଭାବରେ ସେ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି । ଭୁବନେଶ୍ୱର ରାଜ୍ୟ କାର୍ଯ୍ୟାଳୟରେ ବସିଥିବା ରାଜ୍ୟ କାର୍ଯ୍ୟକାରିଣୀ ବୈଠକରେ ତାଙ୍କ ନାଁ ଘୋଷଣା ହୋଇଛି । ଏକମାତ୍ର ପ୍ରାର୍ଥୀ ଭାବରେ ସଭାପତି ପଦ ପାଇଁ ସେ ନାମାଙ୍କନ ଦାଖଲ କରିଥିଲେ । ସଭାପତି ନିର୍ବାଚିତ ହେବା ପରେ ଦଳୀୟ ନେତା ଓ କର୍ମୀ ତାଙ୍କୁ ପୁଷ୍ପଗୁଚ୍ଛ ଦେଇ ଅଭିନନ୍ଦନ ଜଣାଇଥିଲେ । ସାଢ଼େ ୪ କୋଟି ଓଡ଼ିଆଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ।

ନବୀନ କହିଛନ୍ତି, ଓଡ଼ିଶାବାସୀଙ୍କ ଭଲପାଇବା ପାଇଁ କ୍ରମାଗତ ଜିତି ଆସିଛି ବିଜେଡି । ଲୋକଙ୍କ ପାଇଁ କାମ କରୁଛି । ଦଳୀୟ ନେତା ଓ କର୍ମୀଙ୍କୁ ଆହ୍ଵାନ ଦେଇଛନ୍ତି, ବିଜେଡି କେବଳ ଭୋଟ୍‌ ପାଇଁ ନିର୍ବାଚନ ଲଢୁ ନାହିଁ । ଲୋକଙ୍କ ସେବା କରିବା ଓ ସେମାନଙ୍କ କାମ କରିବା ବିଜେଡିର ମୂଳ ଲକ୍ଷ୍ୟ ବୋଲି ଉଦବୋଧନରେ କହିଛନ୍ତି ନବୀନ । ୧୯୯୭ରୁ ୨୦୨୦, ଦୀର୍ଘ ୨୩ ବର୍ଷ ଧରି ବିଜେଡି ରାଜ୍ୟ ସଭାପତି ରହି ଆସିଛନ୍ତି ନବୀନ ପଟ୍ଟନାୟକ । ବୈଠକରେ ବିଜେଡିର କାର୍ଯ୍ୟକାରିଣୀ ସଦସ୍ୟ, ସମସ୍ତ ବିଧାୟକ, ସାଂସଦ ଯୋଗ ଦେଇଥିଲେ ।

Share on Facebook

Tweet

Follow us

Save