ଡିଲେଶ୍ୱର ହେଲେ ଅନୁଗୋଳ ବିଜେପି ଜିଲ୍ଲା ସଭାପତି

ଅନୁଗୋଳ(ଏନଟିପି):

ଭାରତୀୟ ଜନତା ପାର୍ଟି ପକ୍ଷରୁ ଆଜି ରାଜ୍ୟ ଓ ଜିଲ୍ଲା ସଭାପତି ପଦ ଘୋଷଣା କରାଯାଇଛି । ଅନୁଗୋଳ ଜିଲ୍ଲା ସଭାପତି ଭାବେ ଡିଲେଶ୍ଵର ପ୍ରଧାନଙ୍କ ନାମ ଘୋଷଣା କରାଯାଇଛି । ଡିଲେଶ୍ଵର ପୂର୍ବରୁ ବିଜେପି ଦଳରେ ରହିବା ସହ ଜିଲ୍ଲାରେ ଦଳକୁ ସୁଦୃଢ଼ କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ । ବାଘୁଣୀ ଆକ୍ରମଣରେ ୨ ଜଣଙ୍କ ମୃତ୍ୟୁ ପରେ ଲୋକଙ୍କ ସହ ରହି ପ୍ରଶାସନ ଓ ବନ ବିଭାଗ ସହ ବାଘୁଣୀ ହଟାଅ ଅଭିଯାନର ମଙ୍ଗ ଧରିଥିଲେ । ଡିଲେଶ୍ଵର ବିଜେପି ଜିଲ୍ଲା ସାଧାରଣ ସମ୍ପାଦକ ଓ ସାତକୋଶିଆ ପ୍ରଜା ସୁରକ୍ଷା ସମିତିର  ଆବାହକ ପଦରେ ମଧ୍ୟ ଥିଲେ । ସମାଜସେବା କ୍ଷେତ୍ରରେ ମଧ୍ୟ ତାଙ୍କର ଅନେକ ଅବଦାନ ରହିଛି । ଜିଲ୍ଲା ସଭାପତି ପଦ ପାଇବା ପରେ ବିଜେପିକୁ କିଭଳି ଆହୁରି ସୁଦୃଢ଼ କରା ଯାଇ ପାରିବ ସେ ନେଇ କାମ କରିବେ ବୋଲି ସେ କହିବା ସହ ଲୋକଙ୍କ ସାଥିରେ ସେ ସବୁବେଳେ ରହିଛନ୍ତି ଓ ରହିବେ ବୋଲି ମଧ୍ୟ କହିଛନ୍ତି ।ଡିଲେଶ୍ୱର ଙ୍କ ହାତରେ ବିଜେପି ପାଇଁ ଜିଲ୍ଲା ର ମଙ୍ଗ ଧରିବେ।ତୃଣ ମୂଳ ସ୍ତରରେ ରାଜନୀତି କୁ ସୁଦୃଢ଼ କରିବେ ବୋଲି କହିଛନ୍ତି ଡିଲେଶ୍ୱର।

Share on Facebook

Tweet

Follow us

Save