ସରକାରଙ୍କ 5T ଛାଟରେ ୩ ଦୁର୍ନୀତି ଖୋର ଅଧିକାରୀଙ୍କୁ ବାଧ୍ୟତାମୂଳକ ଅବସର

ଭୁବନେଶ୍ୱର(ଏନଟିପି):

ଦୁର୍ନୀତି ଖୋର ଅଫିସର ସାବଧାନ।ଲାଂଚଖୋର ମନୋବୃତି ଛାଡି ସରକାରୀ କାମରେ ମନ ଦିଅନ୍ତୁ ନେହେଲେ ପଡିବ 5T ଛାଟ।ଦୁର୍ନୀତିଖୋର ଅଫିସରଙ୍କୁ ରାଜ୍ୟସରକାରଙ୍କ 5T ଛାଟ । ଗୋଟିଏ ଦିନରେ ଆଜି ୩ ଜଣ ବରିଷ୍ଠ ସରକାରୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଦେଇଛନ୍ତି ରାଜ୍ୟ ସରକାର । ଜଣେ ଓଏଫ୍‌ଏସ୍‌ ସୁଧାଂଶୁ ଶେଖର ମିଶ୍ରଙ୍କ ସମେତ ପୂର୍ତ୍ତ ବିଭାଗର ଦୁଇ ଅଫିସରଙ୍କୁ ଚାକିରି ସରିବା ଆଗରୁ ଅବସର ଦିଆଯାଇଛି। ବାଧ୍ୟତାମୂଳକ ଅବସର ଦିଆଯାଇଥିବା ପୂର୍ତ୍ତ ବିଭାଗର ଦୁଇ ଅଧିକାରୀ ହେଲେ ପ୍ରାଣକୃଷ୍ଣ ପ୍ରସାଦ ଓ ଉମେଶ ଚନ୍ଦ୍ର ତ୍ରିପାଠୀ। ପ୍ରାଣକୃଷ୍ଣ ପ୍ରସାଦ ବର୍ତ୍ତମାନ ଅନୁଗୁଳ Rural Works Quality Control Divisionର Executive Engineerରେ କାର୍ଯ୍ୟରତ ଅଛନ୍ତି। ଶ୍ରୀ ପ୍ରସାଦ ଉପରେ ପୂର୍ବରୁ ଦୁଇ ଦୁଇଥର ଭିଜିଲାନ୍ସ ଚଢ଼ାଉ କରିଥିଲେ। ତାଙ୍କ ନାଁରେ ରହିଛି ଦୁଇଟି ଭିଜିଲାନ୍ସ ମାମଲା। ୨୦୧୫ ଓ ୨୦୧୮ରେ ଲାଞ୍ଚ ନେବା ବେଳେ ଦୁଇ ଥର ଧରାପଡ଼ିଥିଲେ ପ୍ରାଣକୃଷ୍ଣ ।  ସେହିପରି ଉମେଶ ଚନ୍ଦ୍ର ତ୍ରିପାଠୀ ବର୍ତ୍ତମାନ ପୂର୍ତ୍ତ ବିଭାଗ ଅଧୀନରେ ସୁବର୍ଣ୍ଣପୁରରେ ଉପକାର୍ଯ୍ୟନିର୍ବାହୀ ଯନ୍ତ୍ରୀ ଭାବରେ କାମ କରୁଛନ୍ତି। ତାଙ୍କ ନାଁରେ ରହିଛି ଚାରିଟି ଭିଜିଲାନ୍ସ ମାମଲା। ପ୍ରାଣକୃଷ୍ଣ ଓ ଉମେଶ ଚନ୍ଦ୍ରଙ୍କୁ ପୂର୍ତ୍ତ ବିଭାଗରେ ଅପାରଗ ଓ ଦୁର୍ନୀତିଗ୍ରସ୍ତ ଅଫିସର ବୋଲି କୁହାଯାଇଛି।ସରକାରଙ୍କ 5T ଛାଟ ରୁ ବର୍ତ୍ତିବା ପାଇଁ ଦୁର୍ନୀତିଖୋର ଅଧିକାରୀ ଚଳାଇଛନ୍ତି ପ୍ରୟାସ ବୋଲି ଚର୍ଚ୍ଚା ହେଉଛି।ଦେଖାଯାଉ ରାଜ୍ୟ ସରକାର ଆଗାମୀ ଦିନରେ ଆଉ କେତେଜଣ ଙ୍କ ଉପରେ ନେଉଛନ୍ତି ପଦକ୍ଷେପ ତାକୁ ହିଁ ଅପେକ୍ଷା।

Share on Facebook

Tweet

Follow us

Save