ବାଜା ବାଣ ରୋଷଣୀରେ ମାଲକାନଗିରି ରୁ ଏସପି ଙ୍କୁ ଦିଆଗଲା ବିଦାୟ

ମାଲକାନଗିରି(ଏନଟିପି):

ମାଲକାନଗିରି ରୁ ଏସ ପି ଜଗମୋହନ ମିନାଙ୍କ ବଦଳି ହେଲା ସତ କିନ୍ତୁ ମାଲକାନଗିରି ବାସୀଙ୍କ ହୃଦୟରେ ରହିଗଲେ ମିନା।ବିଦାୟ ବେଳକୁ ଛଳ ଛଳ ରେ ଲୁହରେ ଦିଆଗଲା ଏସ ପି ଙ୍କୁ ବିଦାୟ।ବାଜା ବାଣ ରୋଷଣୀରେ ମାଲକାନଗିରିରୁ ଲୋକପ୍ରିୟ ଏସ ପି ଙ୍କୁ ଦିଆଗଲା ବିଦାୟ।ସାଧାରଣତଃ ପୁଲିସ କିମ୍ବା ଏସ୍‌ପିଙ୍କ ନାଁ ଶୁଣିଲେ ଲୋକଙ୍କ ଭିତରେ ଏକ ନକାରାତ୍ମକ ଧାରଣା ସୃଷ୍ଟି ହୁଏ। ଆଜି ନୁହେଁ ବ୍ରିଟିଶ ଶାସନ ଅମଳରୁ ଲୋକଙ୍କ ମନରେ ଏମିତି ଭାବନା ରହି ଆସିଛି। ହେଲେ ଆଜି ଆପଣ ଏମିତି ଏକ ଦୃଶ୍ୟ ଦେଖିବେ ଯାହା ଆପଣଙ୍କୁ ଚକିତ କରିଦେବ। ଭାବିବେ ସତରେ କ‘ଣ ଏମିତି ନିଷ୍ଠାପର ଅଫିସର ଅଛନ୍ତି। ହଁ, ଆମେ କହୁଛୁ ମାଲକାନଗିରିର ବିଦାୟୀ ଏସ୍‌ପି ଜଗମୋହନ ମୀନାଙ୍କ କଥା। ଏଠାରୁ ବଦଳି ହୋଇଥିବା ଏସ୍‌ପିଙ୍କୁ ଫୁଲମାଳ ପିନ୍ଧାଇ ଓ କାନ୍ଧରେ ବସାଇ ବିଦାୟ ଦେଇଥିଲେ ଯବାନ। କେବଳ ଯବାନ ନୁହନ୍ତି, ଏହି କାର୍ଯ୍ୟକ୍ରମରେ ଗ୍ରାମବାସୀମାନେ ମଧ୍ୟ ସାମିଲ ହୋଇଥିଲେ। ଏସପି ଜଗମୋହନଙ୍କ ପ୍ରତି ସେମାନଙ୍କ ମନରେ କେତେ ସ୍ନେହ,ଶ୍ରଦ୍ଧା ଓ ଭଲପାଇବା ଥିଲା ତାହା ଏହି କାର୍ଯ୍ୟକ୍ରମରୁ ସ୍ପଷ୍ଟ ବାରି ହୋଇଥିଲା।ଏସପି ସିନା ମାଲକାନଗିରି ରୁ ବିଦାୟ ନେଲେ କିନ୍ତୁ ମାଲକାନଗିରି ବାସୀଙ୍କ ହୃଦୟରେ ରହିଛନ୍ତି।ମାଲକାନଗିରି ରୁ ଅନୁଗୋଳ କୁ ବଦଳି ହୋଇଛନ୍ତି ଏସ ପି ଶ୍ରୀ ଜଗମୋହନ ମୀନା।

Share on Facebook

Tweet

Follow us

Save