ଭୁବନେଶ୍ୱର(ଏନଟିପି):
ସାଧାରଣ ନିର୍ବାଚନ ର ଦ୍ଵିତୀୟ ପର୍ଯ୍ୟାୟ ପାଇଁ ଆଉ ଗୋଟିଏ ଦିନ ବାକି।ଗୋଟିଏ ଦିନ ପରେ ଇ ଭି ଏମ ଭିତରେ ସିଲ ହୋଇଯିବ ଭାଗ୍ୟ।କିଏ ପିନ୍ଧିବା ବିଜୟର ମୁକୁଟ ତାହା ମେ ୨୩ ପରେ ଜଣାପଡିବ।କନ୍ଧମାଳରେ ଦ୍ୱିତୀୟ ପର୍ଯ୍ୟାୟରେ ଆସନ୍ତା ୧୮ ତାରିଖରେ ହେବ ମତଦାନ । କନ୍ଧମାଳ ଲୋକସଭା ଆସନ ପାଇଁ ବିଜେଡି ଡ. ଅଚ୍ୟୁତ ସାମନ୍ତଙ୍କୁ ପ୍ରାର୍ଥୀ କରିଥିବା ବେଳେ କଂଗ୍ରେସ ମନୋଜ ଆଚାର୍ଯ୍ୟ ଓ ବିଜେପିର ଖାରବେଳ ସ୍ୱାଇଁଙ୍କୁ ପ୍ରାର୍ଥୀ କରିଛି । ସବୁ ପ୍ରାର୍ଥୀ ନିଜ ନିଜ ସପକ୍ଷରେ ଜନମତ ଲୋଡୁଥିବା ବେଳେ ଡ. ସାମନ୍ତ ଜଣେ ନିଆରା ମଣିଷ ଭାବେ ନିର୍ବାଚନ ମଣ୍ଡଳୀରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । କନ୍ଧମାଳ ଲୋକସଭା ଆସନରେ ଅଚ୍ୟୁତଙ୍କ ରହିଛି ବେଶ ଦବ ଦବା ବୋଲି ଚର୍ଚ୍ଚା ଜୋର ଧରୁଛି।ନିର୍ବାଚନ ସତ୍ୟପାଠରେ ତାଙ୍କର ସମ୍ପତ୍ତି ୧୧ ଲକ୍ଷ ଟଙ୍କାରୁ ବି କମ୍। ତାଙ୍କର ସ୍ଥାବର ଓ ଅସ୍ଥାବର ସମ୍ପତ୍ତିର ମୂଲ୍ୟ ୧୦ ଲକ୍ଷ ୫୪ ହଜାର ଟଙ୍କା ବୋଲି ସତ୍ୟପାଠରେ ସେ ଉଲ୍ଲେଖ କରିଛନ୍ତି ।
ଅନାଥ,ଗରିବ,ନିଷ୍ପେସିତଙ୍କ ପାଇଁ ଦେବଦୂତ ସାଜିଛନ୍ତି ଅଚ୍ୟୁତ :
ଗରିବ ପରିବାରରୁ ଆସିଥିବା ଅଚ୍ୟୁତ ସାମନ୍ତ ଗରିବ ଘର ର କଥା ବୁଝିପାରନ୍ତି।ସେଥିପାଇଁ ତ ଗରିବ,ଅନାଥ ପିଲାଙ୍କର ସେ ପାଲଟିଛନ୍ତି ଦେବଦୂତ।ଶିକ୍ଷାବିତ୍, ସମାଜସେବୀ ଓ ରାଜ୍ୟସଭା ସାଂସଦ ଡ. ଅଚ୍ୟୁତ ସାମନ୍ତ ୨୦୧୯ ସାଧାରଣ ନିର୍ବାଚନରେ କନ୍ଧମାଳ ଲୋକସଭା ଆସନରୁ ବିଜେଡି ସାଂସଦ ପ୍ରାର୍ଥୀ ଭାବେ କରୁଛନ୍ତି ପ୍ରତିଦ୍ୱନ୍ଦ୍ୱିତା । ଅତ୍ୟନ୍ତ ଗରିବ ପରିବାରରୁ ଆସିଥିବା ଡ. ସାମନ୍ତ ସମାଜ ସେବାକୁ ଜୀବନର ବ୍ରତ ଭାବେ ଗ୍ରହଣ କରିଛନ୍ତି । ଦୀର୍ଘ ୩୦ବର୍ଷ ଧରି କିସ୍ ଭଳି ଶିକ୍ଷାନୁଷ୍ଠାନରେ ରାଜ୍ୟର ହଜାର ହଜାର ଗରିବ ଆଦିବାସୀ ପିଲାଙ୍କୁ ମାଗଣାରେ ଖାଇବା, ରହିବା ଓ ପାଠ ପଢ଼ିବାର ସୁବିଧା ସୁଯୋଗ ଯୋଗାଇ ଦେଇଛନ୍ତି । କେବଳ ସେତିକି ନୁହେଁ ଗରିବ, ଅନାଥ, ନିଷ୍ପେସିତ ଓ ସର୍ବହରାଙ୍କ ପାଇଁ ସେ ପାଲଟିଛନ୍ତି ଦେବଦୂତ । ବିଭିନ୍ନ ସମୟରେ ଏମାନଙ୍କୁ ସାହାଯ୍ୟ କରିବା ସହିତ ଅନେକଙ୍କୁ ବଞ୍ଚିବା ପାଇଁ ରାହା ଦେଇଛନ୍ତି । ନିଜର ବ୍ୟକ୍ତିଗତ ସମ୍ପତ୍ତି ବିଶେଷ ନଥିଲେ ସୁଦ୍ଧା ଦୃଢ଼ ଇଚ୍ଛାଶକ୍ତି ଓ ନିଷ୍ଠାକୁ ପାଥେୟକରି ନିରବଚ୍ଛିନ୍ନ ଭାବେ ସେ କରିଆସିଛନ୍ତି ଜନସେବା। କନ୍ଧମାଳ ଲୋକସଭା ଆସନ ପାଇଁ ପ୍ରାର୍ଥୀ ହେବାପରେ ସେ କହିଛନ୍ତି କନ୍ଧମାଳ ସେ ରାଜନୀତି କରିବା ପାଇଁ ନୁହେଁ ଲୋକଙ୍କ ସେବା କରିବା ପାଇଁ ଆସିଛନ୍ତି ।
